Tímalína máls
Til umsagnar
15.10.–12.11.2018
Í vinnslu
13.11.2018–15.8.2019
Samráði lokið
16.8.2019
Skjöl til samráðs
Mál nr. S-164/2018
Birt: 15.10.2018
Fjöldi umsagna: 3
Drög að frumvarpi til laga
Forsætisráðuneytið
Réttindi einstaklinga, trúmál og stjórnsýsla dómsmála
Frumvarp til laga um breytingu á almennum hegningarlögum (þrenging ákvæðis um hatursorðræðu)
Niðurstöður
Frumvarpið var lagt fram á Alþingi þann 6. febrúar 2019 en var ekki útrætt á þinginu. Gerð er grein fyrir úrvinnslu úr samráði í greinargerð er fylgdi frumvarpinu.
Málsefni
Í frumvarpinu felst tillaga að rýmkun tjáningarfrelsis með því að gera kröfu um nánar tiltekinn grófleika eða alvarleika til þess að tjáning varði refsingu sem hatursorðræða.
Nánari upplýsingar
Þann 16. mars 2018 skipaði forsætisráðherra nefnd um umbætur á löggjöf á sviði tjáningar-, fjölmiðla- og upplýsingafrelsis. Var nefndinni m.a. falið að vinna frekar framangreindar afurðir stýrihópsins og fara yfir fyrirliggjandi tillögur á þessu sviði, auk þess að meta hverjar aðrar lagabreytingar kunni að vera æskilegar. Gert var ráð fyrir því að nefndin skili einkum af sér í formi lagafrumvarpa og eftir atvikum annarra undirbúningsskjala lagasetningar. Var henni falið að skila af sér í tveimur skrefum. Þannig skyldi tilteknum þáttum lokið fyrir 1. október 2018 en öðrum fyrir 1. mars 2019. Þann 26. september 2018 skilaði nefndin af sér fyrri hluta vinnu sinnar. Meðal afurðanna var frumvarp til laga um þrengingu ákvæðis almennra hegningarlaga um hatursorðræðu.
Í frumvarpinu felst tillaga að rýmkun tjáningarfrelsis með því að gera kröfu um nánar tiltekinn grófleika eða alvarleika til þess að tjáning varði refsingu sem hatursorðræða. Lagt er til að gerð sé krafa um að háttsemin sé til þess fallin að hvetja til eða kynda undir hatri, ofbeldi eða mismunun.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (4)
Umsjónaraðili
Nefnd um umbætur á löggjöf á sviði tjáningar-, fjölmiðla- og upplýsingafrelsis
oddur.thorri.vidarsson@for.is