Tímalína máls
Til umsagnar
7.–21.11.2018
Í vinnslu
22.11.–4.12.2018
Samráði lokið
5.12.2018
Skjöl til samráðs
Mál nr. S-224/2018
Birt: 7.11.2018
Fjöldi umsagna: 1
Drög að frumvarpi til laga
Dómsmálaráðuneytið
Samgöngu- og fjarskiptamál
Drög að frumvarpi um gildistöku alþjóðasamnings um alþjóðleg tryggingarréttindi í hreyfanlegum búnaði (Höfðaborgarsamningurinn) og bókunar um búnað loftfara.
Niðurstöður
Ein umsögn barst um frumvarpið í samráðsgátt en hún hafði ekki áhrif á efni frumvarpsins. Mælt var fyrir frumvarpinu á Alþingi 4. desember 2018 sjá hér á vef Alþingis https://www.althingi.is/thingstorf/thingmalalistar-eftir-thingum/ferill/?ltg=149&mnr=415
Málsefni
Um er að ræða drög að nýrri heildarlöggjöf til innleiðingar á alþjóðasamningi um alþjóðleg tryggingarréttindi í hreyfanlegum búnaði (Höfðaborgarsamningur) og bókunar um búnað loftfara.
Nánari upplýsingar
Um er að ræða drög að nýrri heildarlöggjöf til innleiðingar á alþjóðasamningi um alþjóðleg tryggingarréttindi í hreyfanlegum búnaði (Höfðaborgarsamningur) og bókunar um búnað loftfara. Höfðaborgarsamningurinn hefur að geyma almennar reglur og geta ákvæði hans gilt um fjármögnun þriggja tegunda búnaðar, þ.e. búnað loftfara, járnbrauta og geimbúnað. Um hverja þessa tegund gilda sérstakar bókanir við samninginn en með þessu frumvarpi er lagt til að einungis sú bókun er varðar loftför hafi gildi hér á landi, en hún lagar samninginn að fjármögnun á kaupum eða leigu loftfarshluta sérstaklega.
Meginmarkmið Höfðaborgarsamningsins er að auðvelda fjármögnun viðskipta milli landa með hreyfanlegan búnað. Til þess að hvetja fjármögnunarfyrirtæki til að leggja fé til þessara viðskipta þótti nauðsynlegt að draga úr þeirri áhættu sem fylgdi ólíkum og stundum ófullnægjandi reglum landa um úrræði kröfuhafa vegna vanefnda skuldara. Í samningnum er því gerð grein fyrir úrræðum kröfuhafa. Jafnframt er samkvæmt samningnum sett á fót alþjóðleg rafræn skrá þar sem kröfuhafar geta skráð tryggingaréttindi í hreyfanlegum búnaði og þannig tryggt forgang kröfu sinnar. Á þennan hátt eru taldar auknar líkur á því að fjármögnunaraðilar nái fram efndum og að þeir telji sig þar með geta veitt viðskiptavinum sínum betri lánskjör
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Dómsmálaráðuneytið
postur@dmr.is