Tímalína máls

1

Til umsagnar

  • 29.11.–20.12.2018

2

Í vinnslu

  • 21.12.2018–4.1.2022

3

Samráði lokið

  • 5.1.2022

Skjöl til samráðs

Mál nr. S-244/2018

Birt: 29.11.2018

Fjöldi umsagna: 2

Drög að reglugerð

Utanríkisráðuneytið

Utanríkismál

Drög að reglugerð um hergagnaflutninga

Niðurstöður

Eftir að drög að reglugerð voru birt í samráðsgáttinni var farið yfir umsagnir sem bárust og voru gerðar breytingar á drögunum með hliðsjón af athugasemdunum einkum frá Air Atlanta. Endanleg reglugerð nr. 464/2019 var birt á vef Stjórnartíðinda þann 30. apríl 2019.

Málsefni

Utanríkisráðuneytið birtir til umsagnar drög að reglugerð um flutning hergagna loftförum. Markmið endurskoðunarinnar var að setja skýrari fyrirmæli um hvernig standa skuli að leyfisveitingum vegna flutning hergagna með loftförum og í hvaða tilvikum beri að hafna slíkum umsóknum.

Nánari upplýsingar

Með forsetaúrskurði nr. 20/2018 um breytingar á forsetaúrskurði um skiptingu stjórnarmálaefna milli ráðuneyta í Stjórnarráði Íslands var utanríkisráðuneytinu falið að annast leyfisveitingar vegna flutnings hergagna og annars varnings með loftförum skv. 1. og 5. mgr. 78. gr. laga um loftferðir. Í framhaldi þess hefur utanríkisráðuneytið unnið drög að endurskoðaðri reglugerð um flutning hergagna með loftförum en fyrri reglugerð um það efni er frá 2005 (reglugerð 937/2005).

Lagt er til að gildissvið reglugerðarinnar nái til bæði flutnings hergagna um íslenskt yfirráðasvæði og með íslenskum loftförum hvar sem þau eru stödd. Þá hafa reglugerðardrögin að geyma nánari skilgreiningu á því hvað teljist hergögn. Ennfremur mæla drögin nánar fyrir um í hvaða tilvikum beri að hafna umsókn um leyfi til flutninga hergagna. Skv. drögum er lagt til að utanríkisráðuneytið annist mat á umsóknum um leyfi til hergagnaflutninga en formleg afgreiðsla slíkra umsókna fari þó áfram í gegnum Samgöngustofu.

Frestur til að senda inn umsögn er til og með 20. desember nk.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

postur@utn.stjr.is