Hér er lögð til breyting á b-lið 20. gr. reglugerðar fyrir Íslenskar getraunir nr. 166/2016 um vinningshlutfall í getraunum. Er lagt til að vinningshlutfall á Evrópuseðlinum (miðvikudags- og sunnudagsseðlinum) verði 39% í stað 40% í fyrsta vinningsflokki og 22% í stað 23% í öðrum vinningsflokki. Jafnframt er lagt til að 2% fari í sjóð sem notaður verði til að hækka vinningsfjárhæð í fyrsta flokki í sérstökum tilvikum. Aðrar breytingar snúa að leiðréttingu á heiti ráðuneytis og ógildingu þátttökukvittunar.