Tímalína máls

1

Til umsagnar

  • 17.1.–10.2.2019

2

Í vinnslu

  • 11.2.2019–18.5.2020

3

Samráði lokið

  • 19.5.2020

Skjöl til samráðs

Mál nr. S-18/2019

Birt: 16.1.2019

Fjöldi umsagna: 7

Drög að stefnu

Fjármála- og efnahagsráðuneytið

Skatta-, eigna- og fjármálaumsýsla

Stjórnendastefna ríkisins

Niðurstöður

Alls bárust 7 umsagnir og ábendingar í Samráðsgátt. Almennt voru umsagnirnar jákvæðar, nokkuð var um ábendingar varðandi kaup og kjör og stjórnendasamtöl. Tekið var tillit til athugasemda í áframhaldandi vinnu. Stjórnendastefna ríkisins var gefin út í júní 2019 og var kynnt í september sama ár, sbr. umfjöllun á vef Stjórnarráðsins: https://www.stjornarradid.is/verkefni/mannaudsmal-rikisins/starfsumhverfi-stjornenda-rikisins/stjornendastefna-rikisins/ Aðgerðaáætlun var sett í framkvæmd strax í kjölfarið og lauk vinnu fyrstu aðgerðahópa um áramótin 2019/2020. Innleiðing aðgerða er fullum gangi

Málsefni

Hverjir eiga að vera efnisþættir stjórnendastefnu ríkisins og aðgerðaáætlunar til þriggja ára? Fjallað er um málið í drögum að stjórnendastefnu sem fjármála- og efnahagsráðuneytið birtir til umsagnar, sjá „Skjöl til samráðs“.

Nánari upplýsingar

Unnin hafa verið drög að stjórnendastefnu fyrir ríkið. Í stefnunni er kveðið á um hvaða hæfni, þekkingu og eiginleika stjórnendur þurfa að bera og hvernig ríkið ætlar að styðja við stjórnendur til að ná framúrskarandi árangri.

Í drögum að stjórnendastefnu ríkisins kemur m.a. fram:

Stjórnendur og starfsfólk ríkisins gegna lykilhlutverki í veitingu opinberrar þjónustu. Stjórnendur þurfa að búa yfir hæfni og þekkingu til að geta brugðist við breytingum í samfélaginu og sífellt flóknara starfsumhverfi. Til að tryggja öfluga stjórnun hjá ríkinu þarf að búa stjórnendum umhverfi þar sem eftirsóknarvert er að starfa og tækifæri til að eflast og þróast í starfi.

Stjórnendastefna er liður í því að efla stjórnun hjá ríkinu. Í stefnunni er kveðið á um hvaða hæfni, þekkingu og eiginleika stjórnendur þurfa að bera og hvernig ríkið ætlar að styðja við stjórnendur til að ná framúrskarandi árangri.

Almenningi, atvinnulífi og stjórnsýslu er boðið að taka þátt í samráði og leggja fram sín sjónarmið um framtíðarsýn, markmið, kjörmynd stjórnenda og aðra efnisþætti stjórnendastefnunnar, auk aðgerðaáætlunar.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Guðrún Jóhanna Guðmundsdóttir

postur@fjr.is