Samráð fyrirhugað 19.01.2019—01.02.2019
Til umsagnar 19.01.2019—01.02.2019
Niðurstöður í vinnslu frá 01.02.2019
Niðurstöður birtar 29.07.2019

Drög að frumvarpi til laga um skráningu einstaklinga

Mál nr. 23/2019 Birt: 19.01.2019 Síðast uppfært: 29.07.2019
  • Samgöngu- og sveitarstjórnarráðuneytið
  • Drög að frumvarpi til laga
  • Málefnasvið:
  • Réttindi einstaklinga, trúmál og stjórnsýsla dómsmála
  • Hagskýrslugerð, grunnskrár og upplýsingamál

Niðurstöður birtar

Niðurstaða máls er í stuttu máli að 3 umsagnir bárust um frumvarpstextan. Gerð er grein fyrir viðbrögðum ráðuneytisins við umsögnum í skýrslu um samráð.

Nánar um niðurstöður

Ferill máls

Málið var opið til umsagnar í gáttinni á tímabilinu 19.01.2019–01.02.2019. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 29.07.2019.

Málsefni

Um er að ræða drög að frumvarpi til laga um skráningu einstaklinga sem koma á í stað laga um þjóðskrá og almannaskráningu nr. 54/1962 sem komin eru til ára sinna.

Samgöngu- og sveitarstjórnarráðuneytið óskar eftir umsögnum um drög að frumvarpi til nýrra laga um skráningu einstaklinga sem koma á í stað laga um þjóðskrá og almannaskráningu nr. 54/1962.

Frumvarpið varðar helstu grunnskrá ríkisins, þjóðskrá, sem allt samfélagið byggir á. Markmið frumvarpsins er stuðla að réttri skráningu einstaklinga og skapa þannig grundvöll fyrir tiltekin réttindi og tilteknar skyldur einstaklinga. Enn fremur er það markmið að skráning upplýsinga í þjóðskrá byggi á bestu fáanlegu gögnum á hverjum tíma.

Ráðuneytið vill vekja athygli á að gert er ráð fyrir því að einstaklingar verði ábyrgir fyrir því að upplýsingar um þá séu réttar í þeim tilvikum þegar upplýsingarnar eru ekki komnar til Þjóðskrá Íslands fyrir tilstilli opinberrar stofnunar hér á landi. Þá er vakin athygli á ákvæði um útgáfu kerfiskennitalna, um miðlun upplýsinga og um vernd skráðra einstaklinga gegn afhendingu upplýsinga svo nokkur dæmi séu nefnd. Loks vill ráðuneytið vekja athygli á því að frumvarpið er enn í vinnslu en eftir á að ljúka við ákvæði um breytingar á öðrum lögum, bráðabirgðaákvæði og hluta greinargerðar.

Umsögnum skal skilað eigi síðar en 1. febrúar 2019 í samráðsgátt https://samradsgatt.island.is/

Innsendar umsagnir

Afrita slóð á umsögn

#1 Samtök atvinnulífsins - 31.01.2019

Góðan dag,

Meðfylgjandi er umsögn Samtaka atvinnulífsins, Samtaka iðnaðarins og Samtaka fjármálafyrirtækja um lagafrumvarpið.

Viðhengi
Afrita slóð á umsögn

#2 Samband íslenskra sveitarfélaga - 01.02.2019

Vinsamlegast sjá meðfylgjandi umsögn Sambands íslenskra sveitarfélaga um drög að frumvarpi til laga um skráningu einstaklinga.

Virðingarfyllst,

f.h. sambandsins,

Vigdís Häsler, lögmaður

Viðhengi
Afrita slóð á umsögn

#3 Hagstofa Íslands - 04.02.2019

Umsögn Hagstofu Íslands.

Viðhengi