Tímalína máls
Til umsagnar
6.–26.2.2019
Í vinnslu
27.2.2019–24.1.2021
Samráði lokið
25.1.2021
Skjöl til samráðs
Fylgiskjöl
Mál nr. S-29/2019
Birt: 25.1.2019
Fjöldi umsagna: 1
Drög að reglugerð
Innviðaráðuneytið
Samgöngu- og fjarskiptamál
Drög að reglugerð um skráningu gervihnattatíðna
Niðurstöður
Niðurstaða málsins er í stuttu máli sú að aðeins ein umsögn barst um drög að reglugerðinni. Við lokafrágang hennar var litið til efnislegra athugasemda í þeirri umsögn einkum hvað varðar gildissvið, ábyrgð gervihnattarekenda, upplýsingaskyldu og eftirlit.
Málsefni
Samgöngu- og sveitarstjórnarráðuneytið óskar eftir umsögnum um drög að nýrri reglugerð um skráningu gervihnattatíðna. Markmið reglugerðarinnar er að setja skýrar reglur um meðferð umsókna um skráningu gervihnattatíðna fyrir Íslands hönd hjá Alþjóðafjarskiptasambandinu (ITU).
Nánari upplýsingar
Í reglugerðardrögunum er m.a. kveðið á um málsmeðferð hér á landi, sem er undanfari skráningarbeiðni til Alþjóðafjarskiptasambandsins á skráningu tíðna og staðsetningar gervihnötts á sporbaug. Skráning tíðna og staðsetning á sporbaug fyrir gervihnetti fer fram á vettvangi Alþjóðafjarskiptasambandsins í samræmi við alþjóðlegu radíóreglugerðina. Aðildarríki að Alþjóðafjarskiptasambandinu geta sent inn beiðnir um skráningu tíðna fyrir hönd fyrirtækja. Annast Póst- og fjarskiptastofnun slík samskipti og hefur m.a. það hlutverk að hafa umsjón með notkun tíðnirófsins. Er reglugerðinni ætlað að vera nánari útfærsla á slíkum verkefnum hvað varðar gervihnetti og gera þar með Póst- og fjarskiptastofnun kleift að taka við skráningarbeiðnum frá fyrirtækjum sem vilja setja upp starfsstöðvar á Íslandi á sviði geimiðnaðar.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa rafrænna samskipta