Tímalína máls
Til umsagnar
30.1.–20.2.2019
Í vinnslu
21.2.–6.5.2019
Samráði lokið
7.5.2019
Mál nr. S-31/2019
Birt: 30.1.2019
Fjöldi umsagna: 0
Áform um lagasetningu
Fjármála- og efnahagsráðuneytið
Skatta-, eigna- og fjármálaumsýsla
Áform um frumvarp til breytinga á tollalögum, nr. 88/2005 (persónuupplýsingar, aðstaða til tolleftirlits, rafræn skil upplýsinga o.fl.)
Niðurstöður
Frumvarp var ekki lagt fram.
Málsefni
Frumvarpið mun innhalda tillögur um ýmsar breytingar sem ætlað að gera embætti tollstjóra betur í stakk búið til að takast á við þau verkefni sem því ber að annast.
Nánari upplýsingar
Heimildir til vinnslu persónuupplýsinga: Gert er ráð fyrir að frumvarpið innihaldi tillögu um breytingu á ákvæðum 40. og 45. gr. tollalaga en þar er kveðið á um hlutverk tollstjóra og samvinnu embættisins við önnur stjórnvöld og stofnanir. Tilgangurinn verður að skýra hlutverk og skyldu tollstjóra til að safna upplýsingum, m.a. vegna áhættustjórnunar, og miðla þeim til annarra stjórnvalda sem fara með lögbundin verkefni sem tengjast eftirlitssviði embættisins. Þá má gera ráð fyrir að frumvarpið innihaldi tillögu þess efnis að nýrri grein verði bætt við lögin þar sem kveðið verði á um almennar heimildir tollstjóra til að vinna persónuupplýsingar þannig að þær gagnist á skilvirkan hátt í starfseminni.
Aðstaða til tolleftirlits: Frumvarpið mun m.a. innihalda tillögur um breytingu á 43., 66. og 91. gr. tollalaga. Í tillögunum verður m.a. kveðið á um aðgengi tollstjóra að myndavélakerfum og aðgang tollstjóra að fullnægjandi húsrými og búnaði í eigu á eftirlitsstað.
Rafræn afgreiðsla fara: Í frumvarpinu verður a.ö.l. lögð til breyting á reglugerðarheimild í 31. gr. tollalaga. Með breytingunni verður þannig tryggð nægileg stoð til setningar reglugerðarákvæða um fyrirkomulag tolleftirlits vegna varnings sem farmenn taka með sér til landsins. Þá verður grundvöllur rafræns eftirlits tryggður. Þá er líklegt að gera þurfi breytingar á heimildum tollstjóra til gjaldtöku.
Móðurmjólk: Í frumvarpinu verður lagt til að tilstrik tollskrárnúmersins 0401.2008 í tollskrá í viðauka I við tollalög verði tvö í stað þriggja.
Samráði lokið
Umsagnir voru birtar að loknum umsagnarfresti. Skoða umsagnir.
Umsjónaraðili
Rakel Jensdóttir
rakel.jensdottir@fjr.is