Tímalína máls
Til umsagnar
30.1.–13.2.2019
Í vinnslu
14.2.–18.3.2019
Samráði lokið
19.3.2019
Skjöl til samráðs
Mál nr. S-32/2019
Birt: 30.1.2019
Fjöldi umsagna: 1
Drög að frumvarpi til laga
Fjármála- og efnahagsráðuneytið
Skatta-, eigna- og fjármálaumsýsla
Drög að frumvarpi til laga um breytingu á lögum um tekjuskatt (ríki-fyrir-ríki skýrslur)
Niðurstöður
Ein umsögn barst frá Samtökum atvinnulífsins um frumvarpsdrögin (sjá niðurstöðuskjal).
Málsefni
Frumvarp til laga um breytingu á lögum nr. 90/2003 um tekjuskatt (ríki-fyrir-ríki skýrsla um skattskil).
Nánari upplýsingar
Með breytingu á lögum nr. 90/2003 um tekjuskatt (breytingarlög nr. 112/2016) var ákvæði um ríki-fyrir-ríki skýrslur tekið upp í 91. gr. a. laganna. Efni ákvæðisins var byggt á leiðbeiningum OECD en þann 12. maí 2016 undirritaði Ísland samkomulag á vegum OECD um skipti á svokölluðum ríki-fyrir-ríki skýrslum um starfsemi fjölþjóðlegra fyrirtækjasamstæðna. Skýrslunum er ætlað að auðvelda skattyfirvöldum að fá yfirsýn yfir starfsemi fjölþjóðlegra fyrirtækjasamstæðna. .
Ákvæði um skil á ríki-fyrir-ríki skýrslum byggja á mikilli samvinnu milli skattyfirvalda þvert á landamæri og því er mikilvægt að regluverk um skil sé samræmt. OECD hefur haft eftirlit með því að reglur þeirra ríkja sem undirritað samkomulag um skipti á ríki- fyrir- ríki skýrslum fullnægi þeim viðmiðum sem sett hafa verið. OECD hefur nú gert athugasemdir við íslensku reglurnar og telur að skerpa þurfi á ákveðnum atriðum, s.s. ákvæðum um fjárhæðarmörk og skilgreiningum hugtaka. Markmið þessa frumvarps er að bregðast við athugasemdum OECD með breytingum á núgildandi ákvæði tekjuskattslaga um skil á ríki-fyrir-ríki skýrslum.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Fjármála- og efnahagsráðuneytið
postur@fjr.is