Tímalína máls
Til umsagnar
12.–26.2.2019
Í vinnslu
27.–26.2.2019
Samráði lokið
27.2.2019
Skjöl til samráðs
Mál nr. S-46/2019
Birt: 12.2.2019
Fjöldi umsagna: 0
Drög að frumvarpi til laga
Innviðaráðuneytið
Samgöngu- og fjarskiptamál
Frumvarp til laga um breytingu á lögum nr. 50/2004 um siglingavernd.
Niðurstöður
Engar athugasemdir bárust við frumvarpstextann.
Málsefni
Samgöngu- og sveitarstjórnarráðherra hyggst leggja fram meðfylgjandi frumvarp til breytingar á lögum um sigingavernd og lögum um loftferðir þar sem stefnt er að því að efla varnaðaráhrif þeirra ákvæða laganna sem snúa að flug- og siglingavernd og tryggja úrræði til að bregðast við brotum gegn þeim ákvæðum.
Nánari upplýsingar
Samgöngu- og sveitarstjórnarráðherra hyggst leggja fram meðfylgjandi frumvarp þar sem stefnt er að því að bæta við lög um siglingavernd ákvæðum sem heimila Samgöngustofu að beita dagsektum þegar aðilar sem hlotið hafa viðurkenningu á grundvelli laganna uppfylla ekki skyldur sínar skv. þeim. Þá er stefnt að því að tryggja í viðurlagaákvæði heimild til að dæma refsingu vegna brota á ákvæðum laganna. Loks stendur til að samræma ákvæði laga um siglingavernd og laga um loftferðir hvað varðar flug- og siglingavernd.
Frumvarpinu er ætlað að efla varnaðaráhrif þeirra ákvæða laganna sem snúa að flug- og siglingavernd og tryggja úrræði til að bregðast við brotum gegn þeim ákvæðum. Þannig er markmið frumvarpsins að efla öryggi við samgöngur á lofti og legi, takmarka hættu af völdum hvers konar ólöglegra aðgerða og treysta orðspor íslenskra hafna á alþjóðlegum vettvangi.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa samgangna
srn@srn.is