Dómsmálaráðuneytið óskar eftir umsögnum um drög að reglugerð um áhættumat vegna peningaþvættis og fjármögnunar hryðjuverka sem verður sett með stoð í 56. gr. laga nr. 140/2018 um aðgerðir gegn peningaþvætti og fjármögnun hryðjuverka.

Reglugerðin, sem er nýmæli í íslenskri löggjöf, fjallar m.a. um:

- skyldu tilkynningarskyldra aðila til að gera heildstætt áhættumat á rekstri sínum,

- aðferðarfræði við gerð áhættumats,

- hvaða áhættu- og efnisþætti ber að fjalla um,

- upplýsingar og gögn sem nýtast við gerð áhættumats,

- áhættuflokkun og vægi,

- notkun áhættumats; og

- vöktun og eftirlit með áhættumati.

Umsögnum skal skilað eigi síðar en 8. mars 2019 í samráðsgátt https://samradsgatt.island.is/.