Á 149. löggjafarþingi, voru gerðar breytingar á núgildandi póstlögum nr. 19/2002. Þær breytingar fólu m.a. í sér að mælt var skýrt fyrir um það í 51. gr. laganna að landslög ættu að ganga framar alþjóðlegum skuldbindingum á sviði póstmála. Þessi breyting þótti nauðsynleg þar sem hún er í samræmi við tvíeðliskenninguna og á grundvelli þess að alþjóðaskuldbindingar á sviði póstmála hafa tekið miklum breytingum undanfarin ár. Breytingin kallar á sambærilegar breytingar á orðalagi 26. gr. reglugerðar um alþjónustu og framkvæmd póstþjónustu nr. 364/2003. Reglugerðin á sér stoð í 6. og 35. gr. laga um póstþjónustu nr. 19/2002.