Meðfylgjandi eru drög að frumvarpi um breytingar á lögum um almannatryggingar. Drögin eru samin í kjölfar álits umboðsmanns Alþings um ákvörðun réttinda til örorkulífeyris að teknu tilliti til búsetu og réttindaávinnslu erlendis sem og að teknu tillit til almannatryggingaákvæða samningsins um Evrópska efnahagssvæðið og Norðurlandasamningsins um almannatryggingar. Í frumvarpsdrögunum er gert ráð fyrir að réttur til örorkulífeyris skuli ávallt ákvarðaður í sama hlutfalli og áunnin réttindi samkvæmt raunverulegri búsetu á Íslandi fram til þess tíma að réttur til örorkulífeyris er ákvarðaður, einnig þegar um er að ræða veitingu örorkulífeyris á grundvelli ætlaðra tímabila til framtíðar.