Tímalína máls

1

Til umsagnar

  • 17.–26.5.2019

2

Í vinnslu

  • 27.5.–26.6.2019

3

Samráði lokið

  • 27.6.2019

Skjöl til samráðs

Mál nr. S-133/2019

Birt: 17.5.2019

Fjöldi umsagna: 0

Drög að reglugerð

Innviðaráðuneytið

Samgöngu- og fjarskiptamál

Drög að reglugerð um breytingu á reglugerð nr. 1174/2012, um alþjóðlegt reiki á almennum farsímanetum innan EES, m.áo.br.

Niðurstöður

Engar athugasemdir bárust við drögin og var endanleg reglugerð birt í B-deild Stjórnartíðinda 24. júní 2019.

Málsefni

Reglugerðardrögin eru ætluð til innleiðingar á framkvæmdarreglugerð framkvæmdastjórnarinnar (ESB) 2018/1979 um vegið meðaltal hæsta verðs fyrir lúkningu símtala í farsíma í Sambandinu.

Nánari upplýsingar

Með drögunum er lagt til að innleidd verði hér á landi framkvæmdarreglugerð framkvæmdastjórnarinnar (ESB) nr. 2018/1979 frá 13. desember 2018 um vegið meðaltal hæsta verðs fyrir lúkningu símtala í farsíma í Sambandinu og um niðurfellingu á framkvæmdarreglugerð (ESB) 2017/2311, sem birtist í EES-viðbæti við Stjórnartíðindi Evrópusambandsins nr. 37, 9. maí 2019, bls. 5, sbr. ákvörðun sameiginlegu EES-nefndarinnar nr. 86/2019 frá 29. mars 2019.

Um ræðir framkvæmdarreglugerð sem endurnýjuð er árlega af hálfu framkvæmdastjórnar ESB, með vísan til fyrri breytinga á stofnreglugerðinni íslensku, nr. 1174/2012 um alþjóðlegt reiki á almennum farsímanetum innan Evrópska efnahagssvæðisins, með reglugerðum nr. 558/2016, 528/2017 og 1157/2018.

Með gildistöku reglugerðar Evrópuþingsins og ráðsins (ESB) nr. 2015/2120, um ráðstafanir varðandi opinn netaðgang, var kveðið á um að reikigjöld skyldu byggja á heimaverðskrá. Væri einstakur viðskiptavinur með mikla reikinotkun var hins vegar gert ráð fyrir því að fjarskiptafyrirtæki gætu lagt tiltekið álag á einingarverð reikisímtala slíks viðskiptavinar vegna þeirra símtala sem væru umfram eðlilega notkun. Þetta álag skyldi miða við tilteknar reikniforsendur, þ.e. vegið meðaltal á lúkningargjöldum í farsímanetum innan EES svæðisins samkvæmt ákveðnum forsendum. Í reglugerðinni var framkvæmdastjórn ESB falið að reikna út þetta álag árlega, að fenginni umsögn frá BEREC (evrópsks hóps eftirlitsaðila á sviði fjarskipta). Framkvæmdarreglugerð framkvæmdarstjórnarinnar (ESB) nr. 2018/1979 er niðurstaða útreiknings framkvæmdastjórnarinnar á vegnu meðaltali á hámarks lúkningargjöld fyrir reikisímtöl sem skal gilda fyrir árið 2019.

Reglugerðardrögin fela ekki í sér efnislegar breytingar að öðru leyti á reglugerð nr. 1174/2012, með áorðnum breytingum.

Samráði lokið

Umsagnir voru birtar jafnóðum og þær bárust. Skoða umsagnir.

Tenging við önnur mál (1)

Umsjónaraðili

Skrifstofa rafrænna samskipta

srn@srn.is