Tímalína máls
Til umsagnar
20.–27.5.2019
Í vinnslu
28.5.–10.7.2019
Samráði lokið
11.7.2019
Skjöl til samráðs
Mál nr. S-134/2019
Birt: 20.5.2019
Fjöldi umsagna: 0
Drög að reglugerð
Matvælaráðuneytið
Sjávarútvegur og fiskeldi
Drög að reglugerð um úthlutun veiðiheimilda í grálúðu og gullkarfa vegna tvíhliða fiskveiðisamnings Íslands og Grænlands á fiskveiðiárinu 2019/2020.
Niðurstöður
Engar umsagnir bárust á samráðsgáttinni. Þar sem ekki er búið að semja við Grænland er ekki þörf á að gefa út reglugerðina.
Málsefni
Atvinnuvega- og nýsköpunarráðuneytið kynnir til umsagnar drög að reglugerð um úthlutun veiðiheimilda í grálúðu og gullkarfa vegna tvíhliða fiskveiðisamnings Íslands og Grænlands á fiskveiðiárinu 2019/2020.
Nánari upplýsingar
Íslendingar og Grænlendingar hafa gert með sér fiskveiðisamning þar sem samið er um skiptingu á afla í grálúðu og gullkarfa sem tekur mið af ráðlögðum heildarafla Alþjóðlegu hafrannsóknarstofnunarinnar. Þrátt fyrir að tegundirnar séu deilistofn í skilningi laga nr. 151/1996, um veiðar utan lögsögu Íslands þá hefur farið um veiðarnar eftir lögum nr. 116/2006, um stjórn fiskveiða og reglugerð um veiðar í atvinnuskyni.
Ákvæði 11. gr. laga nr. 116/2006, um stjórn fiskveiða tekur alla jafna ekki til deilistofna, sbr. 1. mgr. 5. gr. laga nr. 151/1996, um veiðar utan lögsögu Íslands. Ákvæðið tekur til framsals, flutnings á aflamarki auk tegundatilfærslna. Framangreindar aðgerðir geta leitt til þess veiði getur orðið meiri en heimilt er samkvæmt samningi við aðrar þjóðir. Ráðuneytið telur því að um þessar tegundir skuli fara eins og um aðra deilistofna, þ.e. að undanskilja ákvæði 11. gr. laganna.
Í reglugerðardrögunum er lagt til að fyrir upphaf næsta fiskveiðiárs 2019/2020 verði gefin út reglugerð sem kveði á um úthlutun aflamarks og veiðar í grálúðu og gullkarfa. Í drögunum er lagt til að ákvæði 11. gr. laga nr. 116/2006, um stjórn fiskveiða, gildi ekki um aflamark sem gefið er út á grundvelli reglugerðarinnar, utan 8. mgr. ákvæðisins. Að öðru leyti munu lög nr. 116/2006, um stjórn fiskveiða og reglugerð um veiðar í atvinnuskyni 2019/2020 gilda um veiðarnar.
Viltu senda inn umsögn um málið?
Smelltu hér til að skrá þig inn með Íslykli eða rafrænni auðkenningu.
Ef umsögnin er send fyrir hönd samtaka, fyrirtækis eða stofnunar þarf umboð þaðan, sjá nánar hér.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
atvinnuvega- og nýsköpunarráðuneytið
postur@anr.is