Fyrirhuguð breyting á reglugerð um umferðarmerki og notkun þeirra nr. 289/1995 felur í sér að nýju umferðarmerki verði bætt við 13. gr. reglugerðarinnar sem fjallar um vegvísa.

Umrætt merki megi nota til að gefa til kynna að umferð á vegi sem merkið er við fari um ferðamannaleið sem tengir saman áhugaverða áfangastaði sem hafa sögulegt, menningarlegt eða fagurfræðilegt gildi. Á ferðamannaleið skuli vera að finna lágmarksþjónustu sem tekur mið af þörfum ferðamanna.

Merkið sem lagt er til að bætist við reglugerðina er rétthyrndur ferhyrningur, 500 mm á breidd og 600 mm á hæð, með merki viðkomandi ferðamannaleiðar á hvítum grunni og brúnum ramma.

Opið er fyrir umsagnir til og með 4. júní 2019.