Tímalína máls
Til umsagnar
18.6.–16.7.2019
Í vinnslu
17.7.2019–12.1.2020
Samráði lokið
13.1.2020
Skjöl til samráðs
Mál nr. S-142/2019
Birt: 18.6.2019
Fjöldi umsagna: 4
Áform um lagasetningu
Innviðaráðuneytið
Samgöngu- og fjarskiptamál
Áform um breytingar á lögum um loftferðir nr. 60/1998
Niðurstöður
Niðurstaða samráðs um áform um lagasetningu er sú að þær athugasemdir sem gerðar voru séu ekki þess efnis að þær leiði til breytinga á þeim áformum sem kynnt voru. Lutu tvær umsagnir að björgunar- og slökkvistörfum á flugvelli sem almennt er gert ráð fyrir að útfært verði í reglugerð en ekki sérstaklega fjallað um í frumvarpinu, utan þess að ráðgert er að styrkja heimild ráðherra til að setja reglugerð á því sviði. Þriðja umsögnin vék almennt að fyrirhuguðum áformum og var bent á að réttara væri að horfa til heildarendurskoðunar laganna í stað endurskoðunar einstakra kafla.
Málsefni
Samgöngu- og sveitarstjórnarráðherra áformar að leggja fram frumvarp til laga til breytinga á lögum um loftferðir nr. 60/1998, með síðari breytingum, til innleiðingar reglugerðar (ESB) 2018/1139 um sameiginlegar reglur á sviði almenningsflugs og stofnun Flugöryggisstofnunar Evrópusambandsins.
Nánari upplýsingar
Reglugerð (ESB) 2018/1139 er afrakstur heildarendurskoðunar Evrópusambandsins á eldri reglugerð sama efnis frá 2008 (og fyrirrennara frá 2002) og er hluti af heildarstefnumótun sambandsins á flugsviðinu. Hefur reglugerðin að geyma margvíslegar breytingar og nýmæli. Um er að ræða grunngerð á sviði flugöryggis og mun fjöldi afleiddra reglugerða byggja á gerðinni og vísa til hennar.
Áformaðar lagabreytingar lúta fyrst og fremst að því að tryggja innleiðingu reglugerðar (ESB) 2018/1139 og afleiddra gerða í landsrétt fullnægjandi lagastoð í lögum um loftferðir nr. 60/1998.
Ráðuneytið óskar eftir umsögnum frá haghöfum um fyrirliggjandi áform.
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (2)
Umsjónaraðili
Skrifstofa samgangna postur@srn.is
srn@srn.is