Samráð fyrirhugað 27.06.2019—24.07.2019
Til umsagnar 27.06.2019—24.07.2019
Niðurstöður í vinnslu frá 24.07.2019
Niðurstöður birtar

Þingsályktun um framkvæmdaáætlun í jafnréttismálum 2020-2023

Mál nr. S-152/2019 Birt: 26.06.2019 Síðast uppfært: 27.06.2019
  • Forsætisráðuneytið
  • Annað
  • Málefnasvið:
  • Lýðheilsa og stjórnsýsla velferðarmála
  • Réttindi einstaklinga, trúmál og stjórnsýsla dómsmála

Til umsagnar

Umsagnarfrestur er 27.06.2019–24.07.2019. Umsagnir eru birtar jafnóðum og þær berast. Niðurstöður samráðsins verða birtar þegar unnið hefur verið úr þeim ábendingum og athugasemdum sem berast.
Senda inn umsögn

Málsefni

Tillaga til þingsályktunar um framkvæmdaáætlun ríkisstjórnarinnar í jafnréttismálum árin 2020–2023, sbr. 11. gr. laga nr. 10/2008, um jafna stöðu og jafnan rétt kvenna og karla. Framkvæmdaáætlunin er gerð að fengnum tillögum einstakra ráðuneyta, Jafnréttisstofu og kynnt Jafnréttisráði.

Í framkvæmdaáætluninni eru kynnt verkefni sem eiga að endurspegla markmið stjórnvalda á sviði jafnréttismála. Áhersla er lögð á að öll ráðuneyti hafi hlutverki að gegna við framkvæmd áætlunarinnar. Er þessu fyrirkomulagi ætlað að tryggja að áherslur og forgangsröðun ríkisstjórnarinnar á sviði jafnréttismála birtist með skýrum hætti. Við mótun verkefna og markmiða var höfð hliðsjón af leiðbeiningum í Handbók Stjórnarráðsins um opinbera stefnumótun og áætlanagerð.

Framkvæmdaáætlunin samanstendur af 24 verkefnum sem beinast að því að leiðrétta kynjahalla á hinum ýmsu sviðum. Verkefnin koma úr öllum ráðuneytum og eru í fyrsta skipti tengd heimsmarkmiðum Sameinuðu þjóðanna um sjálfbæra þróun.

Viltu senda inn umsögn um málið?

Smelltu hér til að skrá þig inn með Íslykli eða rafrænni auðkenningu.

Ef umsögnin er send fyrir hönd samtaka, fyrirtækis eða stofnunar þarf umboð þaðan, sjá nánar hér.