Tímalína máls

1

Til umsagnar

  • 2.–16.7.2019

2

Í vinnslu

  • 17.7.2019–13.9.2021

3

Samráði lokið

  • 14.9.2021

Mál nr. S-165/2019

Birt: 2.7.2019

Fjöldi umsagna: 4

Drög að frumvarpi til laga

Innviðaráðuneytið

Samgöngu- og fjarskiptamál

Frumvarp til laga um breytingu á vegalögum nr. 80/2007

Niðurstöður

Alls bárust sex umsagnir um áformin. Voru umsagnirnar hafðar til hliðsjónar að því marki sem unnt var við gerð frumvarps sbr. meðfylgjandi viðhengi og hlekk á endanlegt frumvarp sem samþykkt var sem lög 10. júlí 2020.

Málsefni

Frumvarpinu er ætlað að styrkja heimildir Vegagerðarinnar í vegalögum til gjaldtöku á einstökum vegköflum að undangenginni ákvörðun í samgönguáætlun.

Nánari upplýsingar

Frumvarpinu er ætlað að styrkja heimildir Vegagerðarinnar í vegalögum til gjaldtöku á einstökum vegköflum að undangenginni ákvörðun í samgönguáætlun.

Umferð á vegum landsins hefur aukist mikið á undanförnum árum, meðal annars vegna fjölgunar ferðamanna. Á sama tíma hafa framlög til vegagerðar verið óvenjulega lág sem hlutfall af landsframleiðslu. Skapast hefur mikil þörf fyrir viðhald og nýframkvæmdir.

Vegagerðin telur nauðsynlegt að fara í um 200 verkefni á næsta aldarfjórðungi sem áætlað er að kosti yfir 400 milljarða króna. Þó að aukið fjármagn hafi komið til vegagerðar í gildandi fjármálaáætlun þá dugar það engan veginn til að fullnægja þörfinni. Það þarf því að finna leiðir til þess að fjármagna framkvæmdir og flýta þeim eins og kostur er.

Sumarið 2018 skipaði samgöngu- og sveitarstjórnarráðherra starfshóp til að fjalla um forgangsröðun framkvæmda og nýjar leiðir til fjármögnunar þeirra. Starfshópurinn skilaði skýrslu sinni í apríl 2019, sbr. fylgiskjal. Starfshópurinn lagði í skýrslunni til ákveðna aðferðafræði við forgangsröðun verkefna. Hvað varðar fjármögnun verkefna taldi starfshópurinn æskilegast að framkvæmdir yrðu fjármagnaðar með viðbótar ríkisútgjöldum eða breyttri forgangsröðun í ríkisútgjöldum. Tók starfshópurinn þó sérstaklega fram að með því að leggja til fjármögnun vegaframkvæmda með breyttri forgangsröðun skattfjár væri ekki verið að leggja til að fallið yrði frá hugmyndum um veggjöld vegna einstakra framkvæmda. Þannig útilokaði fjármögnun með ríkisútgjöldum ekki gjaldtöku á vegum hins opinbera að framkvæmdum loknum á þeim leiðum/vegköflum þar sem það hentar.

Hvað varðar sjónarmið við gjaldtöku af umferð lagði starfshópurinn til að gjaldtaka af umferð til að standa undir kostnaði við flýtiframkvæmdir miðaðist við hverja framkvæmd fyrir sig og gjald væri í samræmi við kostnað þeirrar framkvæmdar. Innheimta skyldi ekki hefjast fyrr en í lok framkvæmdar, þegar opnað væri fyrir umferð.

Á grundvelli þessara niðurstaðna áformar samgöngu- og sveitarstjórnarráðherra nú að á haustþingi 2019 verði lagt fram lagafrumvarp sem miðar að því að styrkja heimildir Vegagerðarinnar umfram það sem nú er að finna í 17. gr. vegalaga til gjaldtöku á einstökum leiðum/vegköflum að undangenginni ákvörðun í samgönguáætlun.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Skrifstofa samgangna

srn@srn.is