Til umsagnar
11.7.–30.8.2019
Í vinnslu
31.8.–11.11.2019
Samráði lokið
12.11.2019
Mál nr. S-182/2019
Birt: 11.7.2019
Fjöldi umsagna: 7
Drög að frumvarpi til laga
Fjármála- og efnahagsráðuneytið
Markaðseftirlit og neytendamál
Drög að frumvarpi til nýrra heildarlaga um rekstraraðila sérhæfðra sjóða voru birt í samráðsgátt stjórnvalda 11. júlí 2019. Frestur til að skila umsögnum var til 30. ágúst 2019. Sex umsagnir bárust, þ.e. frá SKR lögfræðiþjónustu slf., Benoit Cheron, Lánamálum ríkisins, Samtökum fjármálafyrirtækja, LOGOS slf. og FRAMÍS, samtaka framtaksfjárfesta.
Fjármála- og efnahagsráðherra birtir til umsagnar drög að frumvarpi til innleiðingar á tilskipun 2011/61/ESB um rekstraraðila sérhæfðra sjóða (AIFMD).
Frumvarpið felur í sér ný heildarlög um starfsemi rekstraraðila sérhæfðra sjóða en engin heildstæð löggjöf er í gildi hér á landi um starfsemi þeirra. Með frumvarpinu er lagt til að ákvæði tilskipunar 2011/61/ESB um rekstraraðila sérhæfðra sjóða (AIFMD) verði innleidd í íslenskan rétt.
Í frumvarpinu eru lagðar til breytingar sem munu hafa áhrif á þá sem reka sérhæfða sjóði hér á landi en þau verða mismikil eftir stærð rekstraraðila. Fari starfsemin umfram ákveðin fjárhæðarmörk verða rekstraraðilar sérhæfðra sjóða starfsleyfisskyldir. Fyrir veitingu starfsleyfis eru ýmis skilyrði, s.s. um stofnframlag, eigið fé og skipulagskröfur. Áhrifin verða minni á smærri rekstraraðila undir fjárhæðarviðmiðum en þeir munu þurfa að skrá sig hjá Fjármálaeftirlitinu og uppfylla ákveðnar lágmarkskröfur.
Umsagnir voru birtar jafnóðum og þær bárust. Skoða umsagnir.
Fjármála- og efnahagsráðuneytið
fjr@fjr.is