Tímalína máls
Til umsagnar
12.7.–12.8.2019
Í vinnslu
13.8.2019–27.5.2020
Samráði lokið
28.5.2020
Skjöl til samráðs
Mál nr. S-187/2019
Birt: 12.7.2019
Fjöldi umsagna: 0
Drög að reglugerð
Fjármála- og efnahagsráðuneytið
Skatta-, eigna- og fjármálaumsýsla
Drög að reglugerð um ríki-fyrir-ríki skýrslu
Niðurstöður
Engar athugasemdir bárust við reglugerðardrögin. Reglugerðin hefur verið birt og er nr. 766/2019.
Málsefni
Drög að nýrri reglugerð um ríki-fyrir-ríki skýrslu.
Nánari upplýsingar
Með breytingu á lögum um tekjuskatt, nr. 90/2003 (breytingalög nr. 112/2016), var ákvæði um ríki-fyrir-ríki skýrslur tekið upp í 91. gr. a. laganna. Efni ákvæðisins var byggt á leiðbeiningum OECD en þann 12. maí 2016 undirritaði Ísland samkomulag á vegum OECD um skipti á svokölluðum ríki-fyrir-ríki skýrslum um starfsemi fjölþjóðlegra fyrirtækjasamstæðna. Skýrslunum er ætlað að auðvelda skattyfirvöldum að fá yfirsýn yfir starfsemi fjölþjóðlegra fyrirtækjasamstæðna.
Ákvæði um skil á ríki-fyrir-ríki skýrslum byggja á mikilli samvinnu milli skattyfirvalda þvert á landamæri og er því mikilvægt að regluverk um skil sé samræmt. OECD hefur haft eftirlit með því að reglur þeirra ríkja sem undirritað hafa samkomulag um skipti á ríki-fyrir-ríki skýrslum fullnægi þeim viðmiðum sem sett hafa verið. OECD hefur nú gert athugasemdir við íslensku reglurnar og telur að skerpa þurfi á ákveðnum atriðum, svo sem ákvæðum um fjárhæðarviðmið vegna skila á ríki-fyrir-ríki skýrslum. Þá hefur verið gerð athugasemd við það að ekki séu ákvæði um skilaskyldu svokallaðra staðgöngufélaga móðurfélags.
Gerð var breyting á núgildandi ákvæði 91. gr. a. tekjuskattslaga með lögum nr. 38/2019 þar sem brugðist var við athugasemdum OECD að hluta. Markmið nýrrar reglugerðar um ríki-fyrir-ríki skýrslu er að bregðast við athugasemdum OECD að fullu til þess að tryggja að íslenskar reglur um ríki-fyrir-ríki skýrslur séu í samræmi við alþjóðleg viðmið.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Fjármála- og efnahagsráðuneytið
postur@fjr.is