Tímalína máls

1

Til umsagnar

  • 16.7.–6.8.2019

2

Í vinnslu

  • 7.8.–3.9.2019

3

Samráði lokið

  • 4.9.2019

Skjöl til samráðs

Mál nr. S-191/2019

Birt: 16.7.2019

Fjöldi umsagna: 0

Áform um lagasetningu

Matvælaráðuneytið

Markaðseftirlit og neytendamál

Frumvarp til laga um breytingu á lögum nr. 34/1991 um fjárfestingu erlendra aðila í atvinnurekstri

Niðurstöður

Áform um lagasetningu voru til umsagnar í samráðsgátt Stjórnarráðsins frá 16. júlí 2019 til 6. ágúst 2019. Ekki barst umsögn um áformin. Drög að frumvarpi verða kynnt í samráðsgáttinni.

Málsefni

Frumvarpinu er ætlað að breyta lögum nr. 34/1991 um fjárfestingu erlendra aðila í atvinnurekstri. Frumvarpinu er ætlað að afnema búsetuskilyrði ríkisborgara í aðildarríkjum EES-samningsins, aðildarríkjum EFTA eða í Færeyjum.

Nánari upplýsingar

Tilefni lagasetningarinnar má rekja til athugasemda Eftirlitsstofnunar EFTA vegna skilyrða um búsetu og heimilisfesti framkvæmdastjóra og stjórnenda í íslenskum atvinnufyrirtækjum.

Í núgildandi lögum er gerð krafa um að framkvæmdastjórar og meirihluti stjórnarmanna í íslenskum atvinnufyrirtækjum skulu vera búsettir hér á landi, með þeirri undantekningu að það gildir ekki um ríkisborgara Færeyja, þeirra ríkja sem eiga aðild að samningnum um Evrópska efnahagssvæðið (EES-samningurinn) eða þeirra ríkja sem eru aðilar að stofnsamningi Fríverslunarsamtaka Evrópu (EFTA).

Hins vegar gera lögin kröfu um að viðkomandi ríkisborgarar séu búsettir í aðildarríkjum EES-samningsins, aðildarríkjum EFTA eða í Færeyjum. Eftirlitsstofnun EFTA (ESA) gerði athugasemd við fyrrgreint búsetuskilyrði. ESA vakti fyrst athygli á fyrrgreindu 22. janúar 2014. Athugasemdir voru gerðar til fimm lagabálka, þremur hefur nú þegar verið breytt í samræmi við athugasemdir ESA með lögum nr. 19/2017, lög um breytingu á lögum um hlutafélög, lögum um einkahlutafélög og lögum um sjálfseignarstofnanir sem stunda atvinnurekstur.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

atvinnuvega- og nýsköpunarráðuneytið

postur@anr.is