Tímalína máls
Til umsagnar
19.7.–13.9.2019
Í vinnslu
14.2019–13.9.2021
Samráði lokið
14.9.2021
Mál nr. S-194/2019
Birt: 19.7.2019
Fjöldi umsagna: 1
Annað
Innviðaráðuneytið
Samgöngu- og fjarskiptamál
Skipulagsreglur Keflavíkurflugvallar
Niðurstöður
Ein athugasemd barst við drögin frá Isavia. Var umsögnin í tveimur liðum. Í samræmi við athugasemdir Isavia voru breytingar gerðar á drögunum. Voru skipulagsreglurnar birtar í kjölfarið í Lögbirtingarblaðinu í samræmi við ákvæði laga.
Málsefni
Tillaga að skipulagsreglum fyrir Keflavíkurflugvöll
Nánari upplýsingar
Í samræmi við heimild í 59. gr. laga um loftferðir, nr. 60 frá 1998, hefur samgöngu- og sveitarstjórnarráðherra ákveðið að setja skipulagsreglur fyrir Keflavíkurflugvöll.
Með reglunum er verið að festa í sessi skipulag hindranaflata vallarins og þar með takmarkanir á hæðum húsa, trjáa og annarra mannvirkja á tilteknum svæðum. Eru hindranafletir þessir byggðir á skilgreiningum alþjóðlegra skuldbindinga íslenska ríkisins sem innleiddar hafa verið í íslenskan rétt með lögum nr. 60/1998 um loftferðir og reglugerð 75/2016 um kröfur og stjórnsýslumeðferð er varða flugvelli samkvæmt reglugerð Evrópuþingsins og ráðsins (EB) nr. 216/2008. Einnig er verið að festa í sessi eftir ákvæðum sömu skuldbindinga, laga og reglugerða, takmörkun á notkun leysigeisla innan tiltekinna svæða.
Tilgangur og markmið reglnanna er:
• að tryggja flugöryggi vallarins með því að binda í skipulag hæðartakmarkanir sem nauðsynlegar eru vegna öryggis flugvallarstarfseminnar.
• að einfalda umfjöllun og ákvarðanatöku um hæðir húsa innan og í nágrenni flugvallarins.
• að tryggja flugöryggi vallarins og flugumferðar með því að binda í skipulag takmarkanir á notkun leysigeisla.
Skorað er á fasteignaeigendur á svæðinu og aðra hagsmunaaðila að kynna sér fyrirliggjandi drög að reglum. Opið er fyrir umsagnir í samráðsgáttinni, http://www.samradsgatt.is, til og með 13. september nk. Eftir þann tíma verður ekki tekið við athugasemdum. Litið er svo á að þeir sem gera ekki athugasemdir við tillöguna teljist samþykkir henni.
Eftir kynningartíma verða athugasemdir og ábendingar sem berast teknar til ítarlegrar athugunar. Verði ákveðið að ráðast í breytingar á tillögunni vegna athugasemdanna verða slíkar breytingar kynntar hlutaðeigandi áður en gengið verður endanlega frá reglunum. Auglýsing um gildistöku reglnanna verður birt í Lögbirtingablaðinu. Nánari upplýsingar veitir samgöngu- og sveitarstjórnarráðuneytið í síma 545 8200 eða srn@srn.is.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa samgangna
srn@srn.is