Tímalína máls
Til umsagnar
26.7.–16.8.2019
Í vinnslu
17.8.2019–11.2.2020
Samráði lokið
12.2.2020
Skjöl til samráðs
Mál nr. S-197/2019
Birt: 26.7.2019
Fjöldi umsagna: 21
Drög að stefnu
Innviðaráðuneytið
Samgöngu- og fjarskiptamál
Grænbók, um stefnu stjórnvalda í málefnum flugrekstrar og flugtengdrar starfsemi á Íslandi
Niðurstöður
Fjölmargar gagnlegar umsagnir bárust um drög að grænbók sem horft var til við mótun flugstefnu, sem birt var til samráðs samhliða drögum að fimmtán ára samgönguáætlun 2020-2034 og fimm ára aðgerðaáætlun 2020-2024 (sjá https://samradsgatt.island.is/oll-mal/$Cases/Details/?id=1516). Samgönguáætlun er nú til umfjöllunar á Alþingi, sjá neðangreindan hlekk.
Málsefni
Samgöngu- og sveitarstjórnarráðuneytið kynnir til umsagnar drög að grænbók um stefnu stjórnvalda í málefnum flugrekstrar og flugtengdrar starfsemi hér á landi. Er þar annars vegar um að ræða greiningu á stöðunni í málaflokknum í dag og einnig tillögur að áherslum til framtíðar. Er almenningi og hagsmunaaðilum boðið að gefa umsögn um drög að grænbókinni og leggja fram sín sjónarmið um tillögur að áherslum.
Nánari upplýsingar
Í september 2018 skipaði samgöngu- og sveitarstjórnarráðherra verkefnisstjórn til að vinna að mótun flugstefnu fyrir Ísland en slík stefna hefur ekki verið mótuð áður með heildstæðum hætti. Mikil og aukin umsvif flugrekstrar og flugtengdrar starfsemi hér á landi á undanförnum árum hafa kallað á slíka stefnumörkun en samræmd stefna í málefnum flugs og flugtengdrar starfsemi styður við stefnumörkun samgönguáætlunar. Í samgönguáætlun felst grundvallarstefnumótun ríkisins í öllum greinum samgangna, sbr. nánar ákvæði laga um samgönguáætlun, nr. 33/2008.
Markmið með gerð flugstefnu er að skapa umhverfi sem viðheldur grunni fyrir flugrekstur og flugtengda starfsemi á Íslandi, hvort sem er núverandi eða nýja starfsemi, styður vöxt hennar að því marki sem það er þjóðhagslega hagkvæmt og eykur atvinnusköpun.
Starfshópurinn hefur skilað af sér drögum að grænbók sem hér eru lögð fram til kynningar og umsagnar. Er þar annars vegar um að ræða greiningu á stöðunni í málaflokknum í dag og einnig tillögur að áherslum til framtíðar. Er almenningi og hagsmunaaðilum boðið að gefa umsögn um drög að grænbókinni og leggja fram sín sjónarmið um áherslur í flugmálum til framtíðar.
ATH. PDF skjalið var uppfært 27.07.2019
Samráði lokið
Umsagnir voru birtar jafnóðum og þær bárust. Skoða umsagnir.
Tenging við önnur mál (2)
Umsjónaraðili
Skrifstofa samgangna
srn@srn.is