Óskað er eftir umsögnum um drög að nýrri reglugerð um raf- og rafeindatækjaúrgang. Markmið reglugerðarinnar er að innleiða að fullu tilskipun Evrópuþingsins og ráðsins 2012/19/ESB frá 4. júlí 2012 um raf- og rafeindabúnaðarúrgang en innleiðing þeirrar tilskipunar hófst með setningu laga nr. 65/2017, um breytingu á lögum um meðhöndlun úrgangs. Meðal helstu breytinga má nefna nýja flokkun raf- og rafeindatækja (áður var flokkað í tíu flokka en nú verður flokkað í sex) og sett eru ný markmið um söfnun og endurnýtingu raf- og rafeindatækjaúrgangs. Fyrir frekari umfjöllun um tilskipun 2012/19/ESB er vísað til kafla 3.1 í frumvarpi til laga um breytingu á lögum um meðhöndlun úrgangs o.fl., þingskjal 453 í 333. máli á 146. löggjafarþingi (https://www.althingi.is/altext/146/s/0453.html). Gert er ráð fyrir að reglugerð nr. 442/2015, um raf- og rafeindatækjaúrgang, falli brott samhliða setningu nýrrar reglugerðar.

Óskað er eftir því að athugasemdir berist í samráðsgátt Stjórnarráðsins eigi síðar en 16. október nk.