Tímalína máls

1

Til umsagnar

  • 30.8.–16.9.2019

2

Í vinnslu

  • 17.9.2019–26.5.2020

3

Samráði lokið

  • 27.5.2020

Skjöl til samráðs

Mál nr. S-214/2019

Birt: 30.8.2019

Fjöldi umsagna: 5

Drög að frumvarpi til laga

Innviðaráðuneytið

Samgöngu- og fjarskiptamál

Drög að frumvarpi til laga um íslensk landshöfuðlén

Niðurstöður

Niðurstaðan var í stuttu máli sú að 5 umsagnir bárust - þrjár í samráðsgátt og tvær beint til ráðuneytisins. Tekið var tillit til athugasemda eins og efni gafst til. Ein umsögn barst eftir að frumvarpið var sent í lokafrágang og verður hún tekin til skoðunar við þinglega meðferð.

Málsefni

Samgöngu- og sveitarstjórnarráðuneytið óskar eftir umsögnum um drög að frumvarpi til laga um íslensk landshöfuðlén.

Nánari upplýsingar

Í frumvarpi því sem hér er lagt fram til umsagnar er stefnt að því að setja lög um rekstur landshöfuðléna sem tengjast Íslandi ásamt nafnaþjónustu fyrir höfuðlén og skráningu léna undir þeim.

Markmið frumvarpsins er að stuðla að öruggum, hagkvæmum og skilvirkum aðgangi að íslenskum landshöfuðlénum og styrkja tengsl þeirra við Ísland, með því að kveða á um örugga, gagnsæja og skilvirka umsýslu þeirra.

Í dag er ekki að finna heildstæða löggjöf hér á landi um landshöfuðlén með beina skírskotun til Íslands, þ.e. landshöfuðlénið .is (e. country code top level domain). Þá er hvergi minnst á lén í íslenskri löggjöf, hvorki í fjarskiptalögum nr. 81/2003 né öðrum sérlögum er varða netið með einhverjum hætti. Landshöfuðlénum er útdeilt til allra ríkja og beina skírskotun til viðkomandi ríkja.

Nokkrar atlögur hafa verið gerðar að samningu frumvarpa á þessu sviði og eitt þessara frumvarpa var jafnframt lagt fram á 139. og 140. löggjafarþingi. Frumvarpið sætti talsverðri gagnrýni og náði ekki fram að ganga.

Í því frumvarpi sem hér eru lagt fram er lagt til að sett verði lágmarks lagaumgjörð um skráningastofu landshöfuðlénsins .is og annarra landshöfuðléna sem kunna að verða samþykkt í framtíðinni og munu hafa beina skírskotun til Íslands. Þá eru m.a. lögð til úrræði fyrir stjórnvöld til að loka eða haldleggja skráð lén undir íslensku landshöfuðléni.

Samráði lokið

Umsagnir voru birtar jafnóðum og þær bárust. Skoða umsagnir.

Tenging við önnur mál (1)

Umsjónaraðili

Skrifstofa rafrænna samskipta

srn@srn.is