Tímalína máls

1

Til umsagnar

  • 3.9.–7.10.2019

2

Í vinnslu

  • 8.10.2019–26.4.2020

3

Samráði lokið

  • 27.4.2020

Skjöl til samráðs

Mál nr. S-215/2019

Birt: 3.9.2019

Fjöldi umsagna: 12

Annað

Innviðaráðuneytið

Sveitarfélög og byggðamál

Reglur um fjárhagslegan stuðning Jöfnunarsjóðs sveitarfélaga til að greiða fyrir sameiningu sveitarfélaga

Niðurstöður

Drög að reglum um stuðning var breytt talsvert eftir samráð. Reglurnar hafa verið sendar í til birtingar í B-deild Stjórnartíðinda.

Málsefni

Tillaga að nýjum reglum um fjárhagslegan stuðning Jöfnunarsjóðs sveitarfélaga til að greiða fyrir sameiningu sveitarfélaga er hér lögð fram til umsagnar.

Nánari upplýsingar

Ein af aðgerðum í drögum að tillögu til þingsályktunar um stefnumótandi áætlun ríkisins í málefnum sveitarfélaga, sem nú er til umsagnar í samráðsgátt Stjórnarráðsins, felur í sér að fjárhagslegur stuðningur Jöfnunarsjóðs sveitarfélaga við sameiningar sveitarfélaga verði aukinn. Þar er lagt til að reglum sjóðsins um stuðning þar að lútandi verði breytt svo ná megi settu markmiði. Jafnframt er lagt til að sjóðnum verði veittar heimildir í lögum um tekjustofna sveitarfélaga til að leggja árlega til hliðar fjármuni til að mæta kostnaði vegna slíks fjárhagslegs stuðnings, sem myndi greiðast út til sveitarfélaga í áföngum í kjölfar sameiningar.

Helstu breytingarnar sem lagðar eru til á gildandi reglum varða fyrirkomulag útreiknings á skuldajöfnunarframlagi sem og framlags vegna endurskipulagningar á stjórnsýslu í kjölfar sameiningar. Hvað skuldajöfnunarframlagið varðar þá mun skuldaviðmiðið sveitarstjórnarstjórnarlaga verða lagt til grundvallar útreiknings, sbr. reglugerð nr. 502/2012 um fjárhagsleg viðmið og eftirlit með fjármálum sveitarfélaga. Þá verður bætt við sérstöku byggðaframlagi, en með því er komið til móts við þau sveitarfélög þar sem íbúaþróun hefur verið undir landsmeðaltali.

Samkvæmt tillögu að nýjum reglum verða eftirfarandi fimm þættir grundvöllur útreiknings framlaga:

a. Undirbúningur og framkvæmd sameiningar.

b. Óskert tekju- og útgjaldajöfnunarframlög.

c. Skuldajöfnunarframlag.

d. Endurskipulagning þjónustu og stjórnsýslu.

e. Byggðaframlag

Allt að 15 milljarðar gætu farið í þennan stuðning á næstu 15 árum allt eftir því hvort sveitarfélög hyggjast nýta sér þennan stuðning. Nýmæli er að einstök sveitarfélög geta fyrirfram séð hvað félli til í þeirra hlut reglum samkvæmt óháð því hvaða sveitarfélagi það sameinast.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Samgöngu- og sveitarstjórnarráðuneytið