Samkvæmt 4. gr. laga nr. 30/2018 um Matvælastofnun skal stofnunin hafa samvinnu og samráð við þá aðila, félög, samtök og stofnanir sem tengjast starfi hennar. Við stofnunina skal starfa samstarfsráð þar sem reglubundið samráð og miðlun upplýsinga á sér stað. Meðal annars skal leggja fram til umræðu í ráðinu árlega áætlun um störf stofnunarinnar og kynna nýjar áherslur og fyrirhugaðar breytingar á starfi stofnunarinnar. Ráðherra skipar samstarfsráðið, ákveður fjölda fulltrúa og hverjir tilnefna þá auk Matvælastofnunar. Í reglugerðinni er kveðið nánar á um skipan og störf samstarfsráðs Matvælastofnunar.