Tímalína máls

1

Til umsagnar

  • 5.–22.10.2018

2

Í vinnslu

  • 23.–28.10.2018

3

Samráði lokið

  • 29.10.2018

Skjöl til samráðs

Mál nr. S-149/2018

Birt: 5.10.2018

Fjöldi umsagna: 2

Drög að reglugerð

Umhverfis-, orku- og loftslagsráðuneytið

Umhverfismál

Drög að reglugerð um sérstakan úrgang frá heilbrigðisþjónustu

Niðurstöður

Drög að breytingu á reglugerð um meðhöndlun úrgangs og viðauka hennar um sérstakan úrgang frá heilbrigðisþjónustu og stofum sem stunda húðrof voru send til umsagnar helstu hagsmunaaðila og lögð í samráðsgátt Stjórnarráðsins 5.-22. október sl. Alls bárust fimm umsagnir um drögin og hefur verið tekið tillit til þeirra við gerð lokaútgáfu reglugerðarinnar.

Málsefni

Óskað er eftir athugasemdum um drög að breytingu á reglugerð um meðhöndlun úrgangs og viðauka hennar um sérstakan úrgang frá heilbrigðisþjónustu og stofum sem stunda húðrof, húðgatanir og húðflúr.

Nánari upplýsingar

Í samráðsgátt Stjórnarráðsins eru nú til umsagnar drög að breytingu á reglugerð um meðhöndlun úrgangs og viðauka hennar um sérstakan úrgang frá heilbrigðisþjónustu og stofum sem stunda húðrof, húðgatanir og húðflúr. Þörf er á að uppfæra þennan þátt reglugerðarinnar þar sem reynslan hefur sýnt að hún býður upp á mismunandi túlkun í þessum úrgangsflokki. Sérstök þörf er á að uppfæra töflu sem fylgir viðauka um sérstakan úrgang frá heilbrigðisþjónustu þar sem hún hefur reynst misvísandi í framkvæmd.

Brýnt er að allir sem að þessum málaflokki koma átti sig vel á skilgreiningum sérstaks úrgangs frá heilbrigðisþjónustu og stofum sem stunda húðrof, húðgatanir og húðflúr svo flokkun, meðhöndlun og förgun þessa úrgangs verði markviss og þjóni tilgangi sínum. Vakning hefur orðið meðal heilbrigðisstofnana sem vilja sýna umhverfisvitund í verki og þar með stuðla að endurnýtingu úrgangs fremur en förgun. Tillagan að breytingu á reglugerðinni er afrakstur óformlegs vinnuhóps þar sem tóku þátt fulltrúar umhverfis- og auðlindaráðuneytis, Umhverfisstofnunar, heilbrigðiseftirlitssvæða, atvinnulífs, Landspítala, Embættis landlæknis og rekstraraðila sem meðhöndla sérstakan úrgang frá heilbrigðisstofnunum.

Óskað er eftir því að athugasemdir við reglugerðardrögin berist í samráðsgátt Stjórnarráðsins eigi síðar en 22. október nk.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Laufey Helga Guðmundsdóttir

postur@uar.is