Samráð fyrirhugað 30.09.2019—16.10.2019
Til umsagnar 30.09.2019—16.10.2019
Niðurstöður í vinnslu frá 16.10.2019
Niðurstöður birtar

Drög að Sóknaráætlun Vestfjarða 2020-2024

Mál nr. 240/2019 Birt: 30.09.2019 Síðast uppfært: 01.10.2019
  • Samgöngu- og sveitarstjórnarráðuneytið
  • Annað
  • Málefnasvið:
  • Sveitarfélög og byggðamál

Niðurstöður í vinnslu

Umsagnarfrestur er liðinn (30.09.2019–16.10.2019). Umsagnir voru birtar jafnóðum og þær bárust. Skoða umsagnir. Niðurstöður samráðsins verða birtar þegar unnið hefur verið úr þeim ábendingum og athugasemdum sem bárust.

Málsefni

Samgöngu- og sveitarstjórnarráðuneytið hefur sett til umsagnar í samráðsgátt stjórnvalda, á vegum Vestfjarðastofu f.h. Fjórðungssambands Vestfirðinga, drög að nýrri sóknaráætlun Vestfjarða. Drög að Sóknaráætlun Vestfjarða 2020 til 2024 byggir á lögum um byggðaáætlun og sóknaráætlanir nr. 69 frá árinu 2015.

Drög að Sóknaráætlun Vestfjarða 2020-2024, á vegum Vestfjarðastofu f.h. Fjórðungssambands Vestfirðinga er nú kynnt í samráðsgátt stjórnvalda. Mótun nýrrar sóknaráætlunar var unnin í nánu samráði við aðila í landshlutanum. Íbúafundir voru haldnir víðsvegar í landshlutanum og tóku um 150 íbúar þátt í fundunum. Afurð fundanna voru megináherslur íbúa sem lagðar voru til nánari úrvinnslu á fundi samráðsvettvangs. Samráðsvettvangurinn er skipaður 45 einstaklingum, sveitastjórnarfólki og íbúum skipuðum af sveitarfélögunum níu á Vestfjörðum. Á þeim fundi var markmiðum forgangsraðað og þau tengd Heimsmarkmiðum Sameinuðu þjóðanna.

Ákveðið var að skipta sóknaráætluninni í fjóra málaflokka:

1)atvinna og nýsköpun, 2)menntun, 3)menning, 4) umhverfi og skipulag.

Eru það jafnframt fjögur meginmálefni sjálfbærrar þróunar. Tekin verður grunnstaða í öllum mælanlegum markmiðum 1. janúar 2020 og reglulega fylgst með stöðunni út tímabilið. Afurðin er drög að Sóknaráætlun Vestfjarða 2020-2024, sem er landshlutabundin byggðaáætlun Vestfjarða. Stefnan mun stýra ákvörðun um val á áhersluverkefnum og úthlutun styrkja úr Uppbyggingarsjóði Vestfjarða.

Drög að Sóknaráætlun Vestfjarða 2020 til 2024 er nú kynnt í samráðsgátt stjórnvalda og verður opið fyrir athugasemdir og ábendingar til og með 16. október næstkomandi. Íbúar og aðrir hagaðilar eru hvattir til að kynna sér nýja sóknaráætlun landshlutans.

Innsendar umsagnir

Afrita slóð á umsögn

#1 Ásdís Snót Guðmundsdóttir - 01.10.2019

Ég myndi vilja sjá aukinn hlut leik- og grunnskóla í sóknaráætluninni með því að setja markmið um að auka árangur nemenda í grunnskólum á Vestfjörðum með heiltækri nálgun til umbóta. Efla faglegt lærdómssamfélag á Vestfjörðum og stefna að því að skólar á Vestfjörðum verði framúrskarandi. Þetta er hægt að gera með samstilltu átaki sveitarstjórnarmanna og skólasamfélagsis.