Tímalína máls

1

Til umsagnar

  • 8.–18.10.2019

2

Í vinnslu

  • 19.10.2019–9.8.2020

3

Samráði lokið

  • 10.8.2020

Mál nr. S-249/2019

Birt: 8.10.2019

Fjöldi umsagna: 3

Drög að frumvarpi til laga

Matvælaráðuneytið

Markaðseftirlit og neytendamál

Drög að frumvörpum til laga vegna samvinnu stjórnvalda á Evrópska efnahagssvæðinu um neytendavernd.

Niðurstöður

Frumvörpin voru lögð fram á 150. löggjafarþingi Alþingis þann 1. nóvember 2019, sbr. þskj. 375 (331. mál) og þskj. 374 (330. mál). Frumvörpin voru samþykkt með breytingum allsherjar og menntamálanefndar sem lög frá Alþingi þann 5. mars 2020. Lög nr. 20/2020 og lög nr. 21/2020.

Málsefni

Með frumvörpunum er lagt til að innleiða reglugerð Evrópuþingsins og ráðsins (ESB) nr. 2017/2394 frá 12. desember 2017 um samvinnu milli landsyfirvalda sem bera ábyrgð á að framfylgja lögum um neytendavernd og um niðurfellingu reglugerðar (EB) nr. 2006/2004.

Nánari upplýsingar

Með frumvörpunum er í fyrsta lagi lagt til að innleiða reglugerð Evrópuþingsins og ráðsins (ESB) nr. 2017/2394 frá 12. desember 2017 um samvinnu milli landsyfirvalda sem bera ábyrgð á að framfylgja lögum um neytendavernd og um niðurfellingu reglugerðar (EB) nr. 2006/2004 með tilvísunaraðferð. Í því felst að reglugerðinni er veitt lagagildi með því að vísa til efnis hennar í EES-viðbæti Stjórnartíðinda Evrópusambandsins með þeim aðlögunum sem leiðir af ákvörðun sameiginlegu EES-nefndarinnar.

Í öðru lagi er lagt til að innleiða 9. og 10. gr. reglugerðarinnar með breytingum á valdheimildum hérlendra stjórnvalda á sviði neytendaverndar. Breytingunum er ætlað að tryggja að þau stjórnvöld sem fara með framkvæmd þeirra laga sem reglugerðin nær til hafi þær valdheimildir sem kveðið er á um í reglugerðinni.

Í þriðja lagi eru breytingar lagðar til á eftirliti Neytendastofu með lögum um eftirlit með viðskiptaháttum og markaðssetningu nr. 57/2005. Samkvæmt reglugerðinni þurfa stjórnvöld að hafa yfir að ráða sáttaúrræði. Í frumvarpinu er því lagt til að lögfesta meginreglu um sáttaumleitan að norrænni fyrirmynd í eftirliti Neytendastofu. Lögfesting meginreglunnar krefst nokkurra breytinga á lögunum.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

Skrifstofa orku-, iðnaðar og viðskipta.

postur@anr.is