Tilefni þessa frumvarps er breyting sú sem gerð var á stjórnsýslu í öldrunarmálum í lögum um félagsþjónustu sveitarfélaga nr. 40/1991, með breytingarlögum nr. 37/2018, þar sem gerð var breyting á svæðaskiptingu og skipan fulltrúa í öldungaráð. Samhliða var gerð breyting á lögum um málefni aldraðra á þann hátt að gerð var breyting þar sem hugtakinu þjónustuhópur aldraðra var breytt í hugtakið öldungaráð en engin breyting var gerð á svæðaskiptingu og skipun fulltrúa til samræmis við breytta skipan í lögum um félagsþjónustu sveitarfélaga.

Nauðsynlegt er að hafa samræmi í löggjöf um málefni aldraðra og félagsþjónustu sveitarfélaga um svæðaskiptingu og skipan öldungaráða. Ekki þykja aðrar leiðir færar en að breyta ákvæðum laga um málefni aldraðra til samræmis við ákvæði laga um félagsþjónustu sveitarfélaga.