Samráð fyrirhugað 25.10.2019—10.11.2019
Til umsagnar 25.10.2019—10.11.2019
Niðurstöður í vinnslu frá 10.11.2019
Niðurstöður birtar

Drög að sóknaráætlun Norðurlands eystra 2020-2024

Mál nr. 267/2019 Birt: 25.10.2019
  • Samgöngu- og sveitarstjórnarráðuneytið
  • Annað
  • Málefnasvið:
  • Sveitarfélög og byggðamál

Niðurstöður í vinnslu

Umsagnarfrestur er liðinn (25.10.2019–10.11.2019). Umsagnir voru birtar jafnóðum og þær bárust. Skoða umsagnir. Niðurstöður samráðsins verða birtar þegar unnið hefur verið úr þeim ábendingum og athugasemdum sem bárust.

Málsefni

Samgöngu- og sveitarstjórnarráðuneytið hefur sett til umsagnar í samráðsgátt stjórnvalda, á vegum Eyþings, drög að nýrri sóknaráætlun Norðurlands eystra. Drög að sóknaráætlun Norðurlands eystra 2020 til 2024 byggja á lögum um byggðaáætlun og sóknaráætlanir nr. 69 frá árinu 2015

Drög að sóknaráætlun Norðurlands eystra 2020-2024 er nú kynnt í samráðsgátt stjórnvalda og verður opið fyrir athugasemdir og ábendingar til og með 10. nóvember næstkomandi.

Samráðið við mótun nýrrar sóknaráætlunar átti sér stað í þremur fösum. Fyrst fundaði fulltrúaráð Eyþings um þá framtíðarsýn sem sóknaráætlunin átti að endurspegla. Í september var síðan efnt til stórfundar, sem yfir 100 manns sóttu, og var markmiðum og aðgerðum forgangsraðað og þau tengd við heimsmarkmið Sameinuðu þjóðanna. Í kjölfarið var unnið með helstu stefnuþætti, innan atvinnu- og nýsköpunar, menningarmála og umhverfismála, sem fram komu á fundunum og unnin drög að mælanlegum markmiðum og helstu áherslum. Sú stefna sem sett er fram ásamt tilheyrandi áherslum er grundvöllur að allri vinnu að sóknaráætlun Norðurlands eystra. Þannig mun m.a. starfsemi og áherslur Uppbyggingarsjóðs Norðurlands eystra byggja á henni eins og kveðið er á um í samningi um sóknaráætlun. Sömuleiðis byggja áhersluverkefni landshlutans á þessari stefnu. Íbúar og aðrir hagaðilar eru hvattir til að kynna sér nýja sóknaráætlun landshlutans í samráðsgáttinni og koma með ábendingar.

Innsendar umsagnir

Afrita slóð á umsögn

#1 Anna María Sigurðardóttir - 08.11.2019

Sjá meðf. umsögn Landsvirkjunar um drög að Sóknaráætlun Norðurlands eystra 2020-2024.

Rafrænt afrit hefur verið sent á: helgamaria@eything.is.

Viðhengi
Afrita slóð á umsögn

#2 Íris Hauksdóttir - 08.11.2019

Eftirfarandi var bókað á fundi atvinnumála- og kynningaráðs Dalvíkurbyggðar í morgun:

Atvinnumála- og kynningarráð Dalvíkurbyggðar fagnar þeim markmiðum sem nefnd eru í sóknaráætluninni. Með skilvirkni, fjármagni og ákveðni ætti að vera hægt að framfylgja þeim faglega og vel.

Ráðið vill ítreka mikilvægi þess að skólar svæðisins bjóði upp á menntun í takt við atvinnulífið. Tækniiðnaði fleytir hratt fram og hefur ráðið áhyggjur af því að brátt verði vöntun á tæknimenntuðum einstaklingum. Á svæðinu eru mörg sóknartækifæri.

Náist að framfylgja markmiðum um nýsköpun og þróun sem nefnd er í áætluninni verður ekki annað séð en að það sé afar jákvætt fyrir svæðið í heild.

Afrita slóð á umsögn

#3 Íris Hauksdóttir - 08.11.2019

Eftirfarandi var bókað á fundi atvinnumála- og kynningráðs Dalvíkurbyggðar í morgun:

"Atvinnumála- og kynningarráð Dalvíkurbyggðar fagnar þeim markmiðum sem nefnd eru í sóknaráætluninni. Með skilvirkni, fjármagni og ákveðni ætti að vera hægt að framfylgja þeim faglega og vel.

Ráðið vill ítreka mikilvægi þess að skólar svæðisins bjóði upp á menntun í takt við atvinnulífið. Tækniiðnaði fleytir hratt fram og hefur ráðið áhyggjur af því að brátt verði vöntun á tæknimenntuðum einstaklingum. Á svæðinu eru mörg sóknartækifæri.

Náist að framfylgja markmiðum um nýsköpun og þróun sem nefnd er í áætluninni verður ekki annað séð en að það sé afar jákvætt fyrir svæðið í heild."

Fyrir hönd atvinnumála- og kynningaráðs,

Íris Hauksdóttir, þjónustu- og upplýsingafulltrúi Dalvíkurbyggðar