Til umsagnar
1.–15.11.2019
Í vinnslu
16.11.–4.12.2019
Samráði lokið
5.12.2019
Mál nr. S-276/2019
Birt: 1.11.2019
Fjöldi umsagna: 12
Drög að reglugerð
Umhverfis-, orku- og loftslagsráðuneytið
Umhverfismál
Alls bárust ráðuneytinu 12 umsagnir um tillögu að breytingu á reglugerð um mat á umhverfisáhrifum og reglugerð um framkvæmdaleyfi. Umsagnir leiddu til þess að felld var á brot tillaga að breytingu á 2. mgr. 10. gr. reglugerðar um framkvæmdaleyfi og samskonar tillaga að breytingu á 2. mgr. 30. gr. reglugerðar um mat á umhverfisáhrifum. Auk þess leiddu umsagnir til breytinga á öðrum ákvæðum reglugerðar um mat á umhverfisáhrifum. Reglugerðirnar hafa verið birtar í B-deild Stjórnartíðinda sem reglugerð nr. 1068/2019 og reglugerð nr. 1069/2019.
Umhverfis- og auðlindaráðuneytið kynnir til umsagnar drög að breytingu á reglugerð nr. 660/2015 um mat á umhverfisáhrifum og reglugerð nr. 772/2012 um framkvæmdaleyfi.
Breyting á reglugerð um mat á umhverfisáhrifum og reglugerð um framkvæmdaleyfi eru tilkomnar vegna innleiðingar á tilskipun Evrópusambandsins nr. 2014/52/ESB frá 16. apríl 2014 um mat á áhrifum sem tilteknar framkvæmdir á vegum hins opinbera eða einkaaðila kunna að hafa á umhverfið. Tilskipunin var innleidd að hluta í íslenskan rétt með breytingu á lögum um mat á umhverfisáhrifum nr. 106/2000 sem samþykkt var á Alþingi vorið 2019 (lög nr. 96/2019, sjá: https://www.althingi.is/altext/stjt/2019.096.html). Innleiðing tilskipunarinnar kallar einnig á breytingu á umræddum reglugerðum.
Með breytingu á reglugerðunum er fyrst og fremst verið að aðlaga kröfur reglugerðanna er varða ferli mats á umhverfisáhrifum að kröfum laga um mat á umhverfisáhrifum eins og þær eru eftir breytingu og kröfum tilskipunarinnar. Einnig er með breytingu á reglugerð um mat á umhverfisáhrifum verið að lögfesta tvo viðauka tilskipunarinnar, II. viðauka A og IV. viðauka, er fjalla um þær upplýsingar sem framkvæmdaraðili leggur fram með tilkynningu um framkvæmd til ákvörðun um matsskyldu hennar og þeirra upplýsinga sem fram eiga að koma í frummatsskýrslu framkvæmdaraðila. Meðfylgjandi eru drög að breytingu á reglugerðunum auk reglugerðanna með breytingum settum fram með breytingaslóð.
Umsagnir voru birtar jafnóðum og þær bárust. Skoða umsagnir.
Íris Bjargmundsdóttir
iris.bjargmundsdottir@uar.is