Til umsagnar
8.11.–6.12.2019
Í vinnslu
7.12.2019–16.9.2020
Samráði lokið
17.9.2020
Mál nr. S-277/2019
Birt: 8.11.2019
Fjöldi umsagna: 10
Drög að stefnu
Fjármála- og efnahagsráðuneytið
Hagskýrslugerð og grunnskrár
Tæknistefna Ísland.is var til umsagnar í samráðsgátt stjórnvalda á tímabilinu 8.11 til 6.12 2019. Stefnan var hluti af undirbúningi og forsendum fyrir útboði sem fjármála- og efnhagsráðuneytið / Stafrænt Ísland stóð fyrir og lauk í mars 2020: https://www.rikiskaup.is/is/innkaup_og_utbod/opnunarfundargerdir-1/nidurstodur-utboda Alls bárust 10 umsagnir. Rétt er að undirstrika að tæknistefnan tekur einungis utan um nýþróun á miðlægri þjónustugátt undir merkjum Ísland.is. Umsagnir og frekari niðurstöður eru í niðurstöðuskjali.
Stafrænt Ísland ætlar að hefja nýþróun á stafrænum lausnum sem snúa að miðlægri þjónustugátt undir merkjum island.is. Drög þessi lýsa þeirri tæknistefnu sem nýjar lausnir verða byggðar á, ásamt vinnuflæði og áherslum sem þróunarteymum ber að fylgja.
Á island.is munu fyrirtæki og einstaklingar getað nálgast þjónustu hins opinbera á einfaldan og skilvirkan hátt. Nýjar lausnir verða opnar þannig að mörg teymi geti komið að þróun og stofnanir munu bera ábyrgð á sínu efni og þjónustu. Með opnum miðlægum lausnum gefst tækifæri á að auka gæði með sterkum áherslum og sjálfvirkum tólum. Þannig fær notandinn betri þjónustu, þróunarteymi vinna í skilvirkara umhverfi og stofnanir spara fjármagn með miðlægri þekkingu og útfærslu. Stafrænt Ísland ætlar að þróa allar lausnir sínar á frjálsan og opin hátt og mun tileinka sér skýjahýsingu.
Drög að tæknistefnu tekur á eftirfarandi atriðum:
- Útfærslu á nýsmíði stafrænna lausna fyrir island.is
- Skilgreiningu á tækninotkun framenda og bakenda
- Vinnuflæði teyma
- Kóðageymslu og skýjahýsingu
8 megináherslur í þróun opna miðlægra lausna undir island.is:
- Aðgengismál
- Frjáls hugbúnaður
- Hröð notendaupplifun
- Notendamiðuð hönnun
- Stöðugt rekstrarumhverfi
- Tungumálastuðningur
- Þróunarumhverfi
- Öryggismál
Um er að ræða 1. útgáfu af tæknistefnu island.is sem Stafrænt Ísland gefur út. Tæknistefna island.is verður í sífelldri þróun og nýjasta útgáfa ávallt birt á vef island.is. Lesendur eru hvattir til að koma athugasemdum um innihald tæknistefnu á framfæri hér á Samráðsgáttinni.
Umsagnir voru birtar jafnóðum og þær bárust. Skoða umsagnir.
Jónatan Arnar Örlygsson
jonatan.orlygsson@fjr.is