Í V. kafla laga um úrskurðaraðila á sviði neytendamála nr. 81/2019 er kveðið á um starfsemi kærunefndar vöru- og þjónustukaupa. Neytendur geta óskað eftir úrskurði kærunefndar vöru- og þjónustukaupa vegna ágreinings sem rís af sölu- eða þjónustusamningi samkvæmt lögunum. Í reglugerðardrögunum eru gerðar tillögur að nánari reglum um skipan, málsmeðferð, upplýsingagjöf og störf nefndarinnar að öðru leyti. Lögin taka gildi þann 1. janúar 2020 og áformað er að nefndin taki til starfa á sama tíma.