Með drögum þessum eru lagðar til breytingar á reglugerð nr. 1066/2016, um sannprófun á þyngd hlaðinna gáma um borð í skipum, í ljósi fenginnar reynslu af framkvæmd hennar.

Eftirfarandi eru þær breytingar sem lagðar eru til:

- Gildissvið reglugerðarinnar nái aðeins til gáma sem hlaðnir eru hér á landi í stað allra hlaðinna gáma sem flytja á með skipum sem sigla frá íslenskum höfnum.

- Skilgreining hugtakanna „viðeigandi vog" og „viðurkennd aðferð" sé breytt, og bætt er við kröfu um að gæðaskoðunarkerfi skuli hljóta vottun faggilts vottunaraðila.

- Ákvæði um eftirlit Samgöngustofa er umorðað í þágu skýrleika og ákvæði um viðurkenningu prófana er fellt brott en það hefur þótt óþarft og torskilið.

- Ákvæði um skyldur farmsendanda er umorðað í þágu skýrleika.

- Tekin sé upp tilvísun til VGM-reglu SOLAS-samningsins.