Til umsagnar
20.12.2019–15.1.2020
Í vinnslu
16.1.–1.7.2020
Samráði lokið
2.7.2020
Mál nr. S-319/2019
Birt: 20.12.2019
Fjöldi umsagna: 3
Áform um lagasetningu
Fjármála- og efnahagsráðuneytið
Skatta-, eigna- og fjármálaumsýsla
Hætt var við framlagningu frumvarpsins á Alþingi. Nýtt frumvarp er í vinnslu og er gert ráð fyrir að það verði lagt fram á haustþingi 2020.
Áformaðar breytingar á lögum um virðisaukaskatt sem fela í sér breytingar á ákvæðum laganna er varða byggingastarfsemi, almenningssamgöngur, fjármálastarfsemi og skýrleika skattframkvæmdar og bætt skattskil.
Í fyrsta lagi er áformað að taka til endurskoðunar ákvæði laganna er varða byggingarstarfsemi, frjálsa og sérstaka skráningu og endurgreiðslu virðisaukaskatts til byggingaraðila.
Í öðru lagi er áformað að leggja til að ákvæði laganna er varðar undanþágu verktaka frá innheimtu virðisaukaskatts í almenningssamgöngum verði endurskoðað.
Í þriðja lagi er áformað að leggja til breytingar á ákvæði laganna er varðar undanþágu fjármálastarfsemi frá virðisaukaskatti. Eftir atvikum mun samhliða fara fram skoðun á þeim ákvæðum laganna er varða kaup og sölu á fjármálaþjónustu milli landa.
Í fjórða og síðasta lagi eru lagðar til breytingar og lagfæringar á tilteknum ákvæðum laganna til styrkingar á skattframkvæmd og málsmeðferð ríkisskattstjóra í skattamálum, sbr. IX. kafli laganna, með það að markmið að leiðarljósi að vinna gegn skattundanskotum.
Umsagnir voru birtar jafnóðum og þær bárust. Skoða umsagnir.
Skrifstofa skattamála
fjr@fjr.is