Til umsagnar
20.12.2019–29.1.2020
Í vinnslu
30.1.–1.6.2020
Samráði lokið
2.6.2020
Mál nr. S-325/2019
Birt: 20.12.2019
Fjöldi umsagna: 2
Drög að reglugerð
Fjármála- og efnahagsráðuneytið
Markaðseftirlit og neytendamál
Um reglugerðardrögin bárust tvær umsagnir, frá Samtökum fjármálafyrirtækja og Samtökum starfsmanna fjármálafyrirtækja. Talin var ástæða til að bregðast við framkomnum athugsemdum að hluta. Viðamesta breytingin á drögunum er sú að aðeins verða um ein réttindi að ræða, verðbréfaréttindi, í stað tveggja líkt og drögin gerðu ráð fyrir.
Fjármála- og efnahagsráðherra birtir til umsagnar drög að nýrri reglugerð um almenn verðbréfaréttindi og fjárfestingarráðgjafaréttindi.
Fjármála- og efnahagsráðuneytið birti í Samráðsgátt stjórnarráðsins síðastliðið sumar áform um breytingu á fyrirkomulagi prófs í verðbréfaviðskiptum (mál nr. 139/2019) sem hafa verið nánar útfærð í drögum að reglugerð sem hér er birt til umsagnar ásamt greinargerð.
Ráðuneytið birti einnig í Samráðsgátt stjórnarráðsins síðastliðið haust drög að frumvarpi til nýrra laga um markaði fyrir fjármálagerninga (mál nr. 204/2019) en í þeim drögum voru ákvæði um prófnefnd verðbréfaviðskipta og próf ekki fullunninn. Eru því einnig hér birt til umsagnar fullunnin drög að slíkum lagaákvæðum ásamt skýringum.
Helstu breytingar sem lagðar eru til frá gildandi rétti eru að:
1. Um verði að ræða réttindi en ekki próf – almenn verðbréfaréttindi.
2. Kynnt verði til sögunnar ný réttindi, fjárfestingarráðgjafaréttindi, til að bregðast m.a. við nýjum kröfum MiFID2.
3. Tekið verði fyrir undanþágur frá einstökum hlutum prófanna.
4. Möguleikar erlendra aðila innan EES til að öðlast réttindi á Íslandi verði auknir.
5. Gerð verði krafa um endurmenntun hjá þeim aðilum sem öðlast annað hvort almenn verðbréfaréttindi eða fjárfestingarráðgjafaréttindi.
Gert er ráð fyrir að drög að nýrri prófefnislýsingu fyrir prófin tvö þar sem efnistök eru nákvæmlega útfærð verði birt til umsagnar í Samráðsgátt stjórnvalda í mars 2020.
Umsagnir voru birtar jafnóðum og þær bárust. Skoða umsagnir.
Fjármála- og efnahagsráðuneytið
fjr@fjr.is