Til umsagnar
14.–28.1.2020
Í vinnslu
29.1.–27.5.2020
Samráði lokið
28.5.2020
Mál nr. S-10/2020
Birt: 14.1.2020
Fjöldi umsagna: 6
Annað
Innviðaráðuneytið
Sveitarfélög og byggðamál
Samtök sveitarfélaga á höfuðborgarsvæðinu fór yfir þær athugasemdir sem bárust og gerði nokkrar breytingar á efni áætlunarinnar. Þann 6. mars 2020 samþykkti stjórn Samtaka sveitarfélaga á höfuðborgarsvæðinu sóknaráætlun fyrir höfuðborgarsvæðið 2020–2024.
Sóknaráætlun höfuðborgarsvæðisins 2020-2024 er nú til umsagnar og geta íbúar og fyrirtæki landshlutans komið með ábendingar um efni hennar áður en hún öðlast gildi.
Markmið sóknaráætlunarinnar er að stuðla að jákvæðri byggðaþróun í takt við heimsmarkmið Sameinuðu þjóðanna um sjálfbæra þróun, treysta stoðir menningar og að auka samkeppnishæfni landshlutans og landsins alls.
Sóknaráætlunin er stefnuskjal sem felur í sér stöðumat höfuðborgarsvæðisins, framtíðarsýn og markmið í tilgreindum málaflokkum ásamt skilgreindum leiðum að markmiðunum. Sóknaráætlun höfuðborgarsvæðisins 2020-2024 tekur m.a. mið af þeirri stefnu og framtíðarsýn sem kemur fram í svæðisskipulagi höfuðborgarsvæðisins til ársins 2040.
Í júlí 2019 hófst samtal um vinnu við mótun sóknaráætlunar 2020-2024 fyrir höfuðborgarsvæðið á vegum samtaka sveitarfélaga á höfuðborgarsvæðinu (SSH). SSH hefur notið aðstoðar Capacent ráðgjafar við vinnuferlið og samráðsfundi sem haldnir hafa verið vegna verkefnisins. Unnið var að mótun stefnunnar með því að eiga samráð við kjörna fulltrúa og aðra hagaðila innan höfuðborgarsvæðisins til þess að fá fram sjónarmið þeirra um sóknaráætlunina og tengja áætlunina með markvissum hætti við ákvörðun áhersluverkefna og svæðisskipulag höfuðborgarsvæðisins til ársins 2040.
Afurð þessarar vinnu er Sóknaráætlun höfuðborgarsvæðisins 2020-2024.
Við óskum eftir ábendingum frá íbúum og fyrirtækjum landshlutans. Tekið verður tillit til allra ábendinga og í einhverjum tilfellum verður efni sóknaráætlunarinnar breytt í samræmi við innsendar ábendingar.
Frekari upplýsingar veitir Páll Björgvin Guðmundsson, framkvæmdastjóri SSH í síma 821-8179 eða með tölvupósti, pallbg(hja)ssh.is
Umsagnir voru birtar jafnóðum og þær bárust. Skoða umsagnir.
Páll Björgvin Guðmundsson
pallbg@ssh.is