Tímalína máls
Til umsagnar
22.1.–5.2.2020
Í vinnslu
6.2.–7.7.2020
Samráði lokið
8.7.2020
Skjöl til samráðs
Mál nr. S-13/2020
Birt: 22.1.2020
Fjöldi umsagna: 7
Drög að frumvarpi til laga
Matvælaráðuneytið
Orkumál
Drög að frumvarpi til breytinga á lögum nr. 40/2013 um endurnýjanlegt eldsneyti í samgöngum á landi (skýrsluskil o.fl.)
Niðurstöður
Sjá greinargerð um samráð með frumvarpi. https://www.althingi.is/altext/150/s/0985.html
Málsefni
Drög að frumvarpi til breytinga á lögum um endurnýjanlegt eldsneyti vegna fyrirhugaðrar innleiðingar í landsrétt á tilskipun 2015/1513/ESB, frá 9. september 2015, sem breytir tilskipun 2009/28/EB um að auka notkun orku frá endurnýjanlegum orkugjöfum
Nánari upplýsingar
Atvinnuvega- og nýsköpunarráðuneytið óskar eftir umsögnum um drög að frumvarpi til laga til breytinga á lögum um endurnurnýjanlegt eldsneyti í samgöngum á landi nr. 40/2013.
Tilefni frumvarpsins er fyrirhuguð innleiðing í landsrétt á tilskipun Evrópuþingsins og ráðsins 2015/1513/ESB, frá 9. september 2015, sem breytir tilskipun 98/70/EB um gæði bensíns og dísileldsneytis og tilskipun 2009/28/EB um að auka notkun orku frá endurnýjanlegum orkugjöfum.
Samkvæmt frumvarpinu er lagt það fyrirkomulag að ráðherra skuli í reglugerð kveða á um hvaða tegundir endurnýjanlegs eldsneytis megi telja tvöfalt á við sama magn annars endurnýjanlegs eldsneytis, til að uppfylla skilyrði 1. mgr. Í þeirri reglugerð verður settur fram listi yfir það eldsneyti sem má telja tvöfalt til uppfyllingar skilyrða 1. mgr. Sá listi verður samhljóða nýjum viðauka IX tilskipunar 2009/28/ESB sem bætist við með gildistöku tilskipunar 2015/1513/ESB.
Með frumvarpinu er lagt til að felld verði niður sú krafa sem kemur fram í 5. mgr. 3. gr. laganna að ef hlutfall endurnýjanlegs eldsneytis sé meira en 10% af rúmmáli eldsneytisblöndu skuli slíkt vera tilgreint með skýrum hætti á sölustað.
Þetta er í samræmi við niðurfellingu samsvarandi ákvæðis í tilskipun 2009/28/ESB með gildistöku tilskipunar 2015/1513/ESB. Almenn upplýsingaákvæði um verð- og eldsneytismerkingar á sölustað er að finna í gr. 7 í tilskipun 2014/94/ESB sem innleidd verður hér með breytingum á reglu 385/2007 um verðmerkingar á bifreiðaeldsneyti sem hefur stoð í lögum nr. 57/2005 um eftirlit með viðskiptaháttum og markaðssetningu.
Umsögnum skal skilað eigi síðar en 5. febrúar 2020 í samráðsgátt.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa orku, iðnaðar og viðskipta
postur@anr.is