Tímalína máls

1

Til umsagnar

  • 7.–28.2.2020

2

Í vinnslu

  • 29.2.–13.4.2020

3

Samráði lokið

  • 14.4.2020

Mál nr. S-26/2020

Birt: 7.2.2020

Fjöldi umsagna: 24

Annað

Mennta- og barnamálaráðuneytið

Framhaldsskólastig

Tillaga um að færa námslok félagsliða af hæfniþrepi 2 á hæfniþrep 3

Niðurstöður

Í kjölfar minnisblaðs frá 24. janúar 2020 var tillaga Menntamálastofnunar um að námslok félagsliða verði færð af 2. hæfniþrepi á 3. hæfniþrep birt til umsagnar í samráðsgátt stjórnvalda í 3 vikur frá 7.-28. febrúar 2020. Alls bárust 24 umsagnir sem allar voru jákvæðar en 6 aðilar höfðu áhyggjur af framkvæmd.

Málsefni

Mennta- og menningarmálaráðuneyti kynnir til umsagnar áform um færa námslok félagsliða af hæfniþrepi 2 á hæfniþrep 3. Ástæða breytingarinnar er að frá árinu 2011 þegar námslokin voru metin á 2. hæfniþrep hafa kröfur aukist til muna, sem gerðar eru til hæfni félagsliða í þjónustu og umönnun við skjólstæðinga sína.

Nánari upplýsingar

Mennta- og menningarmálaráðuneyti kynnir til umsagnar áform um færa námslok félagsliða af hæfniþrepi 2 á hæfniþrep 3. Ástæða breytingarinnar er að frá árinu 2011 þegar námslokin voru metin á 2. hæfniþrep hafa kröfur sem gerðar eru til hæfni félagsliða í þjónustu og umönnun við skjólstæðinga sína, aukist til muna. Gerð er aukin krafa á dýpkun faglegra þátta og sjálfstæði í starfi og að félagsliði axli meiri ábyrgð á stjórnun, framkvæmd og eftirliti með félagslegri umönnun, geti miðlað flóknari upplýsingum til fjölbreyttari hópa og tekið þátt í faglegri þróunarvinnu.

Starfsgreinaráð félags- og heilbrigðisgreina hefur farið yfir og endurmetið hæfnikröfur og starfalýsingu félagsliða á 3. hæfniþrep. Menntamálastofnun hefur farið yfir tillögurnar með hagsmunaaðilum og leggur til að námslokin verði sett á 3 hæfniþrep.

Ef breytingin verður samþykkt mun ný námsbrautalýsing vera unnin innan framhaldsskólakerfisins. Jafnframt verður unnin starfstengd námskrá innan framhaldsfræðslukerfisins sem mun gilda inn í nám félagsliða í framhaldsskólum. Fulltrúar beggja kerfa munu skoða hvaða hæfniþættir á námsbraut félagsliða falla að hlutverki framhaldsfræðslunnar. Í framhaldi verður gerð yfirlýsing um einingamat milli námsleiða fyrir verðandi félagsliða innan framhaldsfræðslu og í framhaldsskóla.

Ávinningur þess að færa námslok félagsliða upp um eitt þrep í hæfnirammanum er aukin fagmennska og hæfni til að veita félagslegan stuðning til ólíkra hópa um leið og skýrleiki menntunar þeirra er aukinn m.t.t. tengsla við önnur skólastig og stíganda í námi.

Samráði lokið

Umsagnir voru birtar jafnóðum og þær bárust. Skoða umsagnir.

Umsjónaraðili

mrn@mrn.is