Samráð fyrirhugað 13.02.2020—20.02.2020
Til umsagnar 13.02.2020—20.02.2020
Niðurstöður í vinnslu frá 20.02.2020
Niðurstöður birtar

Drög að reglugerð um einangrun og einangrunarstöðvar fyrir gæludýr

Mál nr. 28/2020 Birt: 13.02.2020 Síðast uppfært: 18.02.2020
  • Atvinnuvega- og nýsköpunarráðuneytið
  • Drög að reglugerð
  • Málefnasvið:
  • Landbúnaður

Niðurstöður í vinnslu

Umsagnarfrestur er liðinn (13.02.2020–20.02.2020). Umsagnir voru birtar jafnóðum og þær bárust. Skoða umsagnir. Niðurstöður samráðsins verða birtar þegar unnið hefur verið úr þeim ábendingum og athugasemdum sem bárust.

Málsefni

Með reglugerðinni er lagt til að gerðar verði breytingar á regluverki sem gildir um einangrun og einangrunarstöðvar fyrir hunda, ketti og önnur gæludýr til samræmis við nýja reglugerð um innflutning hunda og katta sem fyrirhugað er að taki gildi 1. mars nk.

Ráðuneytið óskaði eftir áhættumati frá Preben Willeberg, fyrrum yfirdýralækni Danmerkur, vegna innflutnings hunda og katta til landsins með sérstakri áherslu á hjálparhunda. Í kjölfarið óskaði ráðuneytið eftir því að Matvælastofnun tæki afstöðu til matsins auk þess að leggja mat á hvort almennt væri mögulegt að stytta almenna einangrun fyrir alla hunda og eftir atvikum ketti. Þá óskaði ráðuneytið eftir því að stofnunin tæki til skoðunar að slaka á kröfum um einangrun fyrir leiðsögu- og hjálparhunda.

Með vísan til álits framangreindra sérfræðinga og til samræmis við þær breytingar sem eru væntanlegar á regluverki sem gildir um innflutning á hundum og köttum til landsins, eru gerðar tillögur um breytingar á regluverki sem gildir um einangrun og einangrunarstöðvar fyrir hunda, ketti og önnur gæludýr. Meginbreytingarnar eru eftirfarandi:

1. Lágmarks dvalartími hunda og katta í einangrunarstöð verður 14 sólarhringar frá upphafsdegi einangrunar í stað fjögurra vikna.

2. Heimaeinangrun á hjálparhundum mun geta farið fram undir eftirliti Matvælastofnunar að því gefna að hjálparhundurinn uppfylli innflutningsskilyrði sem fram koma í nýrri reglugerð um innflutning hunda og katta og aðstaða til heimaeinangrunar uppfylli nýtt ákvæði í reglugerð um einangrun og einangrunarstöðvar fyrir hunda, ketti og önnur gæludýr.

Innsendar umsagnir

Afrita slóð á umsögn

#1 Jón Magnússon - 20.02.2020

9gr. Þyrfti að vera Opna að utan og innan með lykli.

11gr. 5. Tilheirir hurð í svefnrýmum hunda svefnrýminu ? ef ekki hverju þá ?

16gr. Sýni til rannsóknar á innvortis snýkjudýrum eru oft ekki komin innan 3 daga, þannig að rétt væri að skilað væri innan 3 daga frá því að dýrið hefur skilað af sér þar sem það er jú lokað um helgar hjá Keldum.

22gr. Gleimst hefur að setja inn i enda greinarinnar Mjög verðmæt dýr ber eiganda að tryggja sérstaklega.

27gr. Vantar allt um fluttninga á þessum dýrum frá flugvelli til heimaeinangrunar. t.d eiga við sömu reglur um bíl til fluttninga og annað.

ATH - 3 kafli 27gr. 13 . Ætti einnig að vera í almenna kaflanum um einangrunarstöðvar.