Tímalína máls
Til umsagnar
12.–26.2.2020
Í vinnslu
27.2.2020–15.9.2021
Samráði lokið
16.9.2021
Skjöl til samráðs
Fylgiskjöl
Mál nr. S-30/2020
Birt: 12.2.2020
Fjöldi umsagna: 3
Áform um lagasetningu
Innviðaráðuneytið
Samgöngu- og fjarskiptamál
Áform um frumvarp til laga um breytingu á umferðarlögum nr. 77/2019
Niðurstöður
Í samráðsgáttina bárust 3 umsagnir. Ákveðið var að gera ráð fyrir fleiri breytingum í frumvarpi en áformaskjalið gerði ráð fyrir og var því nýtt uppfært áformaskjal birt í samráðsgáttinni 28. ágúst 2020, sjá mál 163/2020.
Málsefni
Samgöngu- og sveitarstjórnarráðherra áformar að leggja fram frumvarp til laga um breytingu á umferðarlögum nr. 77/2019.
Nánari upplýsingar
Samgöngu- og sveitarstjórnarráðherra áformar að leggja fram frumvarp til laga um breytingu á umferðarlögum nr. 77/2019.
Með frumvarpinu verður lagt til að skráningar- og skoðunarskylda eftirvagna annarra en tjaldvagna, hjólhýsa og fellihýsa, sem gerðir eru fyrir 750 kg að heildarþyngd eða minna verði afnumin. Skyldu til skráningar og skoðunar slíkra tækja var komið á með nýjum umferðarlögum sem öðluðust gildi um1. janúar 2020. Ráðuneytið hefur aflað slysagagna frá Samgöngustofu og bera gögnin ekki með sér að umferðaröryggi verði betur borgið með almennri skráningar- og skoðunarskyldu léttra eftirvagna. Þannig er markmið með lagasetningunni að koma í veg fyrir að aukin byrði og kostnaður leggist á almenning og stjórnsýsluna í ljósi þess að umferðaröryggi virðist ekki betur borgið með umræddum reglum. Þá er áformað að leggja til frekari minniháttar breytingar á ákvæðum laganna til lagfæringa.
Samráði lokið
Umsagnir voru birtar jafnóðum og þær bárust. Skoða umsagnir.
Umsjónaraðili
Skrifstofa samgangna
postur@srn.is