Til umsagnar
14.–28.2.2020
Í vinnslu
29.2.–30.11.2020
Samráði lokið
1.12.2020
Mál nr. S-38/2020
Birt: 14.2.2020
Fjöldi umsagna: 2
Drög að frumvarpi til laga
Matvælaráðuneytið
Landbúnaður
Frv. var lagt fram með nokkrum breytingum á 150. löggjþ. og varð síðan að lögum með enn öðrum breytingum. Um samráð við undirbúning frv. er fjallað í almennum athugasemdum með því og vísast til þess sem þar segir.
Sjávarútvegs- og landbúnaðarráðherra kynnir til umsagnar drög að frumvarpi um breytingar á ýmsum lögum á málefnasviði ráðherra vegna einföldunar regluverks.
Frumvarpið er á meðal verkefna í öðrum áfanga af þremur í aðgerðaáætlun atvinnuvega- og nýsköpunarráðuneytisins um einföldun regluverks á málefnasviðum sjávarútvegs- og landbúnaðarráðherra.
Markmið frumvarpsins er að einfalda regluverk í þágu atvinnulífs og almennings og auka skilvirkni stjórnsýslunnar. Með frumvarpinu er lagt til að verkefni eru ýmist flutt til innan stjórnsýslunnar, einfölduð eða felld niður þannig að stjórnsýslan verður skilvirkari og marvissari. Þá er álögum létt af atvinnulífinu með einföldun á regluverki í starfsumhverfinu og með niðurfellingu skráningar- og tilkynningarskyldu í ákveðnum tilfellum.
Meginefni frumvarpsins er eftirfarandi:
- 13 lög verða felld brott í heild sinni.
- Afnema milligöngu ráðuneytisins og staðfestingar ráðherra með það að leiðarljósi að gera stjórnsýslu skilvirkari.
- Einfalda stjórnsýslu við merkingar sauðfjár.
- Fella brott lögbundið kerfi um flokkun og mat á gærum og ull.
- Fella brott lögbundið kerfi um gæðamat á æðardúni.
- Fella brott markanefnd, yrkisréttarnefnd, ullarmatsnefnd og gærumatsnefnd.
- Lengja skipunartíma verðlagsnefndar í því skyni að gera störf nefndarinnar markvissari og spara tíma við umsýslu vegna tilnefninga og skipunar nefndarinnar.
- Fella brott starfsleyfisskyldu matvælafyrirtækja sem starfrækja fiskeldisstöðvar og eru með gilt rekstrarleyfi, samkvæmt lögum um fiskeldi, vegna frumframleiðslu.
- Fella brott tilkynningarskyldu innflytjenda og framleiðenda fóðurs innan EES-svæðisins, að undanskildu lyfjablönduðu fóðri, fóðuraukaefnum og forblöndum þeirra.
Umsagnir voru birtar jafnóðum og þær bárust. Skoða umsagnir.
Skrifstofa matvæla og landbúnaðar
postur@anr.is