Reglugerðin hefur að geyma reglur um gerð og notkun fjárhagslegra viðmiðana á borð við Libor sem liggja til grundvallar ýmsum samningum á sviði fjármálamarkaðar. Meðal annars er mælt fyrir um starfshætti aðila sem taka saman slíkar viðmiðanir, starfsleyfi og eftirlit.

Gerð er ráð fyrir að reglugerðinni, með breytingum samkvæmt reglugerð (ESB) 2019/2089 sem varðar loftslagstengdar viðmiðanir, verði veitt lagagildi. Einnig er mælt fyrir um eftirlit og viðurlagaheimildir Fjármálaeftirlitsins og heimildir til setningar stjórnvaldsfyrirmæla. Fjármálaeftirlitið hefur til skoðunar hvort það leggi til að brot gegn tilgreindum ákvæðum reglugerðarinnar varði refsingu og ákvæði þar um kunna að bætast við frumvarpið.