Samráð fyrirhugað 11.03.2020—25.03.2020
Til umsagnar 11.03.2020—25.03.2020
Niðurstöður í vinnslu frá 25.03.2020
Niðurstöður birtar 14.09.2021

Drög að auglýsingu um fjárhæð gjalda vegna stöðvunarbrota

Mál nr. 68/2020 Birt: 11.03.2020 Síðast uppfært: 14.09.2021
  • Samgöngu- og sveitarstjórnarráðuneytið
  • Annað
  • Málefnasvið:
  • Samgöngu- og fjarskiptamál
  • Sveitarfélög og byggðamál

Niðurstöður birtar

Engar athugasemdir bárust í samráðsgáttina. Tekin var ákvörðun um að fresta gildistöku nýrrar auglýsingar um fjárhæð gjalds vegna stöðvunarbrota.

Ferill máls

Málið var opið til umsagnar í gáttinni á tímabilinu 11.03.2020–25.03.2020. Umsagnir voru birtar jafnóðum og þær bárust. Skoða umsagnir. Unnið var úr þeim ábendingum og athugasemdum sem bárust og niðurstöður samráðsins birtar 14.09.2021.

Málsefni

Samgöngu- og sveitarstjórnarráðuneytið birtir til umsagnar drög að auglýsingu um fjárhæð gjalds vegna stöðvunarbrota.

Með drögunum er gert ráð fyrir að fjárhæðir verði uppfærðar fyrir stöðvunarbrot skv. 1. mgr. 109. gr. umferðarlaga nr. 77/2019 á þeim stöðum þar sem álagning gjalda fer ekki fram á vegum sveitarfélaga sem ákveðið hafa fjárhæð gjalds í gjaldskrá sem ráðherra hefur staðfest.

Með drögunum er gert ráð fyrir að gildandi auglýsing um fjárhæð gjalds vegna stöðvunarbrota nr. 316/1993 verði felld úr gildi. Fjárhæðir skv. þeirri auglýsingu hafa ekki verið uppfærðar í áraraðir.

Lagt er til að fjárhæðir gjalda vegna stöðvunarbrota verði þrenns konar.

• Í fyrsta lagi verði gjald fyrir brot gegn reglum um notkun stöðureita 5.000 kr.

• Í öðru lagi verði gjald fyrir önnur brot gegn reglum um stöðvun og lagningu sem talin eru upp í 1. mgr. 109. gr. laganna, að stöðvun og lagningu í stæði fatlaðra án tilskilinnar heimildar undanskildum 10.000 kr.

• Í þriðja lagi verði gjald fyrir stöðvun og lagningu í stæði fatlaðra án tilskilinnar heimildar 20.000 kr.