Til umsagnar
13.3.–3.4.2020
Í vinnslu
4.4.2020–3.1.2021
Samráði lokið
4.1.2021
Mál nr. S-71/2020
Birt: 13.3.2020
Fjöldi umsagna: 7
Drög að reglugerð
Heilbrigðisráðuneytið
Heilbrigðisþjónusta utan sjúkrahúsa
Ráðuneytinu barst 7 umsagnir og var tekið til ábendinga þar sem þar við átti. Reglugerðin hefur verið birt í stjórnartíðindum og tekið gildi.
Drög að reglugerð um lyfjaávísanir og afhendingu lyfja.
Reglugerðardrög um lyfjaávísanir og afhendingu lyfja sem hér eru til kynningar og samráðs eru samin í heilbrigðisráðuneytinu.
Ráðuneytið óskar eftir umsögnum um drög að reglugerð um lyfjaávísanir og afhendingu lyfja. Reglugerðadrögin byggja á reglugerð nr. 1266/2017, með síðari breytingum, en til hagræðis hafa fyrri breytingar verið samfelldar inn í reglugerðardrögin. Þá eru núverandi breytingatillögur raktar með breytingaslóð enda eru einungis þær breytingar til umsagnar. Frá síðustu breytingum á reglugerðinni þann 1. júní 2018 hafa komið ný lyf á markað sem núgildandi reglugerð nær ekki til. Í drögunum er jafnframt gert ráð fyrir heimild ljósmæðra og hjúkrunarfræðinga til útgáfu lyfjaávísana. Er það liður í vinnu við samræmingu milli laga og reglugerða vegna ávísanaheimildar fyrrgreindra starfstétta. Nýtt fyrirkomulag rafrænna lyfjaávísana með brottfalli rafræns lyfseðils hefur verið keyrt til reynslu og er áskorunum mætt með tillögum að breytingum á reglugerðinni.
Helstu breytingar sem lagðar eru til eru þær að hjúkrunarfræðingum og ljósmæðrum hefur verið bætt við upptalningu þeirra sem heimild hafa til lyfjaávísana eftir því sem við á. Þá hefur afgreiðsla á lyfjaávísunum ávana- og fíknilyfja annarra en eftirritunarskyldra lyfja verið takmörkuð í samræmi við reglugerð 233/2001 um ávana- og fíkniefni og önnur eftirlitsskyld efni. Auk þess sem gert er skylt að tilgreina dagafjölda milli afgreiðslna. Fjölgað hefur verið þeim ATC-flokkum örvandi lyfja sem krefjast fyrirliggjandi lyfjaskírteinis frá Sjúkratryggingum Íslands til afgreiðslu í lyfjabúð. Ákvæði reglugerðarinnar um umboð vegna afhendingar lyfja er uppfært og kveðið á um að umboð til að sækja lyf geti verið rafrænt eða skriflegt. Þá er eftirlitshlutverk stofnana skýrt frekar.
Umsagnir voru birtar jafnóðum og þær bárust. Skoða umsagnir.
Skrifstofa innviða heilbrigðisþjónustu
hrn@hrn.is