Til umsagnar
17.–20.3.2020
Í vinnslu
21.–25.3.2020
Samráði lokið
26.3.2020
Mál nr. S-73/2020
Birt: 17.3.2020
Fjöldi umsagna: 9
Drög að frumvarpi til laga
Innviðaráðuneytið
Sveitarfélög og byggðamál
Sjá niðurstöðu samráðs í meðfylgjandi skjali.
Frumvarpið kveður á um brottfall laga um jöfnun á flutningskostnaði olíuvara, nr. 103/1994, með síðari breytingum, og breytingu á lögum um svæðisbundna flutningsjöfnun, nr. 160/2011.
Frumvarpið felur í sér tvennskonar breytingar. Annars vegar eru lög um jöfnun á flutningskostnaði olíuvara felld úr gildi. Með því móti er það stjórnskipulag sem byggt hefur verið upp í kringum sjóðinn afnumið og hætt verður að leggja sérstakt flutningsjöfnunargjald á allar olíuvörur, sem fluttar eru til landsins og ætlaðar eru til nota innanlands. Hins vegar er lagt til að breyting verði gerð á lögum um svæðisbundna flutningsjöfnun sem feli í sér fyrirkomulag um stuðning við flutning á olíuvörum til svæða sem standa höllum fæti í byggðalegu tilliti og búa við skerta samkeppni af landfræðilegum og lýðfræðilegum ástæðum.
Sú aðferð sem lögð er til í frumvarpinu felur í sér mun einfaldari leið til jöfnunar á olíuvörum en verið hefur. Frumvarpið miðar að því að einfalda regluverk og álögur á atvinnulífið en tryggir jafnframt að áfram verði aðgengi að eldsneyti í strjálbýli.
Umsagnir voru birtar jafnóðum og þær bárust. Skoða umsagnir.
Samgöngu- og sveitarstjórnarráðuneytið
srn@srn.is