Breytingarnar eru gerðar að beiðni Matvælastofnunar sem telur mikilvægt að skerpa enn frekar á sérstöðu skilgreindra líflambasölusvæða samkvæmt reglugerðinni. Með breytingunum er bannað að flytja líflömb á milli líflambasölusvæða sem leiðir til þess að sjúkdómaleg sérstaða hvers líflambasölusvæðis er betur tryggð sem og öryggi svæðanna m.t.t. ýmissa sjúkdóma, t.d. lungnapestar og kregðu sem eru sjúkdómar sem geta leynst í stofni en blossað upp og valdið miklu afurðatjóni. Þannig er breytingin til þess fallin að draga úr hættu á sjúkdómum í sauðfé.